86. Oratio ad beatam Mariam V.

Magistra religionis,
Regula perfectionis,
Fac, u nobis summe bonus
Leve rteddat suum onus.
5. Mater digna regis regum,
Doctrix summa legis legum,
Per arta regis mandata
Nos ad regna duc optata.
Fac, ut animam spernamus,

10. Spernendo magnipendamus,
Fac, ut animam perdamus,
Perdendo custodiamus;
Fac, ut ipsam odiamus,
Odiendo diligamus,

15. Nos et nostra relinquamus,
Ut Deum recipiamus
Et divinis affluamus,
Sic omnia deseramus,
Ut cuncta possideamus

20. Et in regno fulgeamus.

Christi crucis asperitas
Per te sit nobis lenitas,
Sit nostram per te studium
Sacratum evangelium,

25. Ut sit crux et martyrium
Dulce nobis solacium.
Vivamus evangelice,
Ut vivamus angelice,
Sic vivamus cum infimis,

30. Ut iungamur altissimis,
Sic utamur terrestribus,
Ut fruamur caelestibus,
Sic curramus in stadio,
Ut gaudeamus bravio.

35. Fac, ut os a deliciis,
Mens ieiunet a vitiis,
Os ieiunet a carnibus,
Cor a votis carnalibus.
Ieiunia, vigiliae

40. Nobis fiant deliciae,

Fiant planctus et lacrima
Nobis dulcedo maxima,
Gemitus et suspiria
Fac nobis esse gaudia.

45. Labor sit nobis requies
Ac thesaurus pauperies,
Fames sit nobis fercula,
Sitis sit nobis pocula,
Sit nobis vestis pannosa

50. Carior quam pretiosa,
Nos delectet vilis status
Plus quam mollis et ornatus,
Nobis vile tugurium
Sit regale palatium.

55. Gloriae declinatio
Sit nostra gloriatio,
Voluptatib expulsio
Sit nostra delectatio,
Carnis morificatio

60. Sit mentis vegetatio.
Fac nos amicos hostibus
Mansuetos crudelibus,
Servire saevientibus,
Subvenire nocentibus,

65. Nos omnia fac omnibus.
Contemptus, probra, verbera,
Victus et vestis aspera,
Frigus, aestus et cetera
Adversitatis genera

70. Per se sint nobis prospera.
Nam si crux mundi totius
Esset viri crux unius,
Si vir unus posset ferre
Poenam Orci, poenam terrae,

75. Nihil fere pateretur,
Si Christo compararetur,
Nam collata Christi poenis
Poena quaelibet est lenis.
Nos ergo fac mundo mori

80. Et vivere creatori,
Sic vitiis exuamur,
Ut gratiis induamur

Et gaudiis repleamur.
Pauperes efficiamur,
85. Ut ditari mereamur
Et aeternis perfruamur.
Omne, quod est mundo

festum,
Fac nobis esse molestum,
Brevem mundi laetitiam
90. Reputemus tristitiam,

Stultam mundi prudentiam
Iudicemus insaniam,
Letalem mundi gloriam
Vocemus ignominiam,
95. Fallacem mundi copiam
Nominemus inopiam.
Sit vanae laudis oleum
Nobis virus vipereum,
Quod est mundo nectareum,

100. Fac nobis esse felleum.
Quod est mundo luminosum,
Fiat nobis tenebrosum,
Quod est mundo pretiosum,
Fac nobis esse probrosum.

105. Deus sit nobis omnia,
Vilescant nobis alia,
Nam creatori collata
Nihil sunt cuncta creata.
Ergo nos omnes et totos

110. Ab omni crimine lotos
Soli Deo fac devotos,
Omnes sensus corporales,
Omnes sensus spiritales,
Virgo, redde virginales.

115. Fac nos peccatis irasci,
Fac nos lamentis renasci,
Gaudere, potari, pasci,
Renasci, rebaptizari,
Satiari, debriari

120. Fac nos fletu salutari.
Nos lacrimis rebaptiza,
Nobis caelum thesauriza,
Nos in regnum inthroniza.