88. De beata Maria V.

1, Maria, te recolere

Est nobis salutiferum,
Quae sine carnis Venere

Fecundum gerens uterum
Digna fuisti parere

Verbum ante luciferum
Et hoc ex tuo munere,

Conditor alme siderum.

2. Maria, magnitudine

Virtutum parem nesciens,
Nos in hac vita sustine
Deo placere faciens,
Ortum est de te virgine
Ex alto lumen oriens,
Hoc est a caeli cardine
Verbum supernum pro-
diens.

3. Maria, nominaliter

Te stella maris personat,
Et in te singulariter

Hoc duplex nomen resonat
Mater et virgo pariter,

Per eum, qui celsithrouat,
In laudem cuius iugiter

Vox clara, ecce, intonat.

4. Maria, quae prae ceteris
Hoc habes privilegium,
Quod, dum mater efficeris,

Servas pudoris lilium,
Hunc, quem Iactasti miseris

Nobis in adiutorium,
Sic adloqui memineris:
Veni, redemptor gen-
tium.

5. Maria, stella praevia

Vocaris navigantium,
A fluctuum saevitia

Nos salva saevientium,
Eius mater et filia,

Cui ex ore psallentium
Hic hymnus laus est propria:

Veni, redemptor gen-
tium.
6. Maria, mundum perditum

Primi parentis crimine
Salvas per unigenitum,

Patri parem in numine,
Suum tuumque libitum

Ad usque mundi machinae
Fines fit per circuitum

A solis ortus cardine.
7. Maria, quae sic affluis

Deliciis clementiae,
Quae neminem destituis

Ope misericordiae,
Per hunc nobis restituis

Hereditamen gloriae,
Quem tu venire metuis,

Hostis Herodes impie.
8. Maria, laus et gaudium

Nostrum per Iesum penitus,
Cuius est ad imperium

Hic totus mundus subditus
Et cui sacrificium

Contribulatus spiritus,
Tuum se dedit filium

A patre unigenitus.

9. Maria, te magnificant
Magna virtutum opera,
Mirandamque mirificant

Miranda Christi munera,
Nam omnia glorificant

Te, felix o puerpera,
Per hunc, colunt et praedicant
Quem terra, pontus,
a e t h e r a.
10. Maria, tuis laudibus

Tam angelorum culmina
Intendunt in caelestibus,
Quam angelorum agmina,

In terris quae cum avibus

Pisces, fontes et flumina
Tuis subduntur pedibus,

O gloriosa domina.
11. Maria, per quod deceat

Efferri te praeconium,
Instruere complaceat

Tibi corda fidelium,
Et ne nos is absorbeat,

Qui absorbebit fluvium,
Culpas nobis indulgeat

Deus, creator omnium.
12. Maria, te deposcimus

Pro tua celsitudine,
Qua praesides, ut credimus,

Sanctis in caeli culmine,
Ut preces, quas offerimus,

Admittat pro libamine
Is, cui soli psallimus:

Salvator mundi, Do-
mine.

13. Maria, plena gratia,

Tu maiestatis solium,
Virgo, mater et filia

Manens, dum paris filium,
Ipsi nos reconcilia,

Qui finis et principium
Futura novit omnia

Primo dierum omnium.

14. Maria, tuae doluit

Fuisse prolis proditor
Post, medius dum crepuit,
Eiusdem Iudas traditor,
Res mira, quae non rapuit,
Exsolvit cordis cognitor,
Ita nam tibi placuit,

Aeterne rerum con-
ditor.

15. Maria, famulatui

Tuo servire libere
Per te tuos nos instrui

Requirimus summopere,
Tuo subduntur nutui

Terra, pontus cum aethere,
Hinc te precamur cernui

Iam lucis orto sidere.

16. Maria, sine Venere

Mater effecta caelitns,
Partus tui puerperae

Latebat hostem penitus,
Te decet nos attollere,

Sed petimus medullitus,
Ad hoc clemens illahere
Nunc sancte nobis
spiritus.

17. Maria, cuius abstulit

Fructus ventris virgineus
Vae, primus Adam intulit

Quod Evae consentaneus,
In anima te perculit

Doloris tunc aculeus,
Cum mortem crucis pertulit
Rector potens, verax
Deus.

18. Maria, te laudantibus

Insidiantes reprime,
Et esse qui dat omnibus,

Affectus nostros exprime,
Ut luceat obtentibus

Suae matris sanctissimae
Lucem veram quaerentibus,

Lucis creator optime.

19. Maria, cui similis

Non est in mundi tribubus,
Irae Dei terribilis

Tuere nos ab arcubus,
Tu portus infallibilis,

Nos redde vitae portubus,
Quibus es memorabilis
Somno refectis artu-
bus.

20. Maria, tu quae coetibus
Caelestis praees curiae,
Nos tuis iuva precibus

Apud regem clementiae,
Illuminet ut gentibus

In umbra mortis hodie
Et tenebris sedentibus
Splendor paternae
g 1 o r i a e.

21. Maria, fac propitia,

Sit nobis ut propitius
In qualibet angustia

Rex noster, tuus filius,
Quos ad tua praeconia

Surgentes omnes ocius
Invitat huius gratia

Ales diei nuntius.

22. Maria, quam ad gloriam
Vexit rerum dispositor,
Ad cuius complacentiam

Est omnis homo debitor,
Ne talentorum quispiam

Suorum sit absconditor,
Tui det ad instantiam
Telluris ingens con-
ditor.

23. Maria, digna laudibus

Suavitatis intimae,
In generationibus

Beata cunctis apprime,
Devotis interventibus

Offensas nostras adime,
Assis et hic petentibus,

Deus creator optime.

24. Maria, sine semine

Prole gaudens virginea,
Pro tuo sancto nomine

Nos in virtute recrea,
Carens amaritudine

Crescat ut ex his vinea,
Quibus pulsa caligine
Lux, ecce, surgit
aurea.

25. Maria, per quam patuit
Porta perennis patriae,
Cuius ventrem non horruit

Rex aetemalis gloriae,
Sic, per te quod imposuit
Finem nostrae miseriae,
In te sibi complacuit

Magnae Deus poten-
tiae.

26. Maria, porta patriae,

quam non turbat adversitas,
Fac ita nos iustitiae

Perambulare semitas,
Ut illuc sit cotidie

Nova nobis iucunditas,
Quo praemium das gloriae,

Tu trinitatis unitas.

27. Maria, quae totaliter

Es dicta plena gratia
Atque particulariter,

Nos tuo vultu satia,
Quo perfruuntur iugiter

In summa regis curia,
Quorum est aeternaliter

Aeterna caeli gloria.

28. Maria, memorantibus
Tuae magnificentiae
Pulsis procul doloribus
Inest causa laetitiae,
Una cum participibus

Quos secum suae gloriae
Caeli coniungat civibus
Summae Deus cle-
mentiae.

29. Maria, luce clarius

Relucet, quod diabolum
Tuus devicit filius

Mille maeandros subdolum,
Ipsius dolum longius

Tam in nocte malevolum
Fuga quam et lucidius,
Aurora iam spargit
polum.

30. Maria, te non credimus
Latere, quia septies
Omnes in die cadimus

Delinquimusque pluries,
Sed placa, quem offendimus,

Plus benedicta milies,
Hunc, inquam, cui canimus:
Christe, qui lux es
et dies.

31. Maria, tu quae spiritus

Praeventa dono caelico
Mater es facta caelitus

Verbo favens angelico,
Quod Deus ex te genitus

Eloquio prophetico
Foret dixerunt primitus

Ex more docti mystico.

32. Maria, tantum facias

Laudantium te coetui,
Ipsorum ut adicias

Laetitiam auditui,
Quo per tuas propitias

Preces ipsius vultui
Astantes Deo gratias

Dicamusomnes cernui.

33. Maria, vere diceris

Et es pes indulgentiae,
Tu nobis nostri sceleris

Implora munus veniae,
Quod dare ne tardaveris,

Dicator abstinentiae
Honorque nostri generis,

Iesu, quadragenariae.

34. Maria, cuius uterum

Non horruisse dicitur
Lunae, solis et siderum

Is per quem cursus regitur,
Oriri fac luciferum,

Occasum qui non patitur,
Horis cum lux ad vesperum
Iam ter quaternis
trahitur.

35. Maria, quae praeficeris

Supra sanctorum cuneum,
Adversum nos, tu noveris,

Quod hostis parat laqueum,
Sed cadat auctor sceleris

In quem effodit puteum,
Nam miserendi miseris,

Ecce, tempus idoneum.

36. Maria, mulieribus

Dispar in partu filii,
Nobis inhabitantibus
Vallem huius exsilii

Tuis praestetur precibus,

Ut in die iudicii
Nos praemiet caelestibus

Summi largitor prae-
mii.
37. Maria, sic disposuit

De te Deus auxilii,
Quod fieri te voluit

Sui thronum imperii,
A quovis hic abstinuit

Esu diu cibarii
Ac observandum docuit

Clarum decus ieiunii.

38. Maria, causa veniae

Te peccatores adeunt,
Per quam adepti gratiae

Munus mundati redeunt,
His utique materiae

Gaudendi non depereunt,
Quibus signum victoriae

Vexillaregis prodeunt.
39. Maria, de te nascitur

Rex Christus, salus populi,
Super iustos, ut canitur

In psalmo, cuius oculi,
A quo solo dum vincitur

Fraus inimica zabuli,
Soli de iure dicitur:

Iesu, salvator saeculi.

40. Maria, diligentibus

Ignis amoris fervidi
Amoreque languentibus

Medela cordis languidi,
Concede nuptialibus,

Ut apparentes candidi
Introeamus vestibus

Ad cenam agni pro-
vidi.
41. Maria, pulsa precibus
Aures regis iustitiae,
Ut expiati sordibus

Et actibus nequitiae
Puris castisque mentibus

Auctori castimoniae
Cum ceteris fidelibus
Hymnum canamus
gloriae.

42. Maria, prosit omnibus

Tua sic intercessio,
Ut in supernis aedibus

Tandem sit nostra portio
Beatasque spiritibus

In caeli iuncti solio
Altis canamus vocibus:

Iesu, nostra red emptio.

43. Maria, persequentium

A manibus nos exime
Et in nos insurgentium

Malorum motus comprime,
Ut videamus filium

Tuum, hic hymnus maxime
Quem decet et non alium:

Aeterne rex altissime.

44. Maria, pudieitiae,

Totius domicilium,
Laudare te cotidie

Novum est nobis studium,
Per te simus, quo facie

Ad faciem est omnium
Haec una vox laetitiae:
Tu, Christe, nostrum
gaudium.

45. Maria, quae virginibus

Iugis honor et gloria,
Sed et electis omnibus

In caelis es laetitia,
Hoc tribuat supplicibus

Tuis Christi clementia,
Ut dentur in caelestibus

Beata nobis gaudia.

46. Maria, te prae omnibus
Dei virtus impleverat,
Dum tuis ex visceribus

Assumpsit, quod non fuerat,
Ut tibi locum sedibus

Matri, prius descenderat,
Pararet in caelestibus,
Iam Christus astra as-
cenderat.

47. Maria, sola gemitu

Carens, dum fis puerpera,
Tuis nunc et in obitu
Servis adesse propera,

Patente tune ut aditu
Nobis ad regna supera

Simus, quo sancto spiritu
Impleta gaudent vis-
cera.

48. Maria, mundi diluens

Suspiriorum gemitus,
Gaudendi causam tribuens

Est ex te fructus editus,
Hic nos a culpis exuens

Ad caeli ducat aditus
Nostrique votis annuens

Veni, creator spiritus.

49. Maria, persolventibus

Pro posse laudes debitas
Nobis tuis conspectibus

Reddas coronas perditas,
Super quo deprecantibus

Te, qui in caelis habitas,
His inclinata precibus
Adesto, sancta tri-
nitas.

50. Maria, recognoscimus

Te decus esse virginum
Et advocatam dicimus

Te specialem hominum,
Hinc est, quod, cum offendimus
In multis Christum Do-
minum,
Multoties requirimus

Te lucis ante ter-
minum.

51. Maria, quam ingenuae

Prolis attollit dignitas,
Tu nobis es continuae

Laetitiae causalitas,
Nos a peccatis erue,

Ut, ubi lex est veritas,
Dicamus omnes ceraue:

O lux, beata trinitas.

52. Maria, gravaminibus

Pressis levamen mulcebre,
In cunctis nostris gressibus
Praecedant tuae palpebrae,

Ne nos in infernalibus
Locis involvant tenebrae,

Sed simus in caelestibus
Festum colentes cele-
bre.

53. Maria, pro peccantibus

Preces Deo multiplica
Et pro nostris excessibus

Instanter ei supplica
Eductosque de fluctibus

Maris ad portum applica,
Tu stella navigantibus,

O gloriosa domina.

54. Maria, puerperio

Dicata prolis inclitae,
Per quam facta redemptio

Nobis est vitae perditae,
Fac, ut caelestis contio

Laudi non vacans debitae
Hic moneat alloquio:

Caeli cives, adplaudite.

55. Maria, cui saeculum

Adplaudit omne plausibus
Et cui praestat sedulum

Obsequium pro viribus,
Ad laudem Dei cumulum
Fac, ut ex peccatoribus
Mundaret sibi populum,
Exsultet caelum laudi-
bus.

56. Maria, mater gratiae

Qua patet ad introitum
Via caelestis patriae

Per Evam matrem perditum,
Cursum nostrae militiae

Fac ita beneplacitum,
Laetemur ut in acie,

Deus, tuorum militum.

57. Maria, te requirere

Nostrae mentis est opera,
Quam ferre fas est credere

Excelsam super sidera,
Eductis ut de carcere

Mundique valle misera
Donata sit percipere

Aeterna Christi munera.

58. Maria, cuius omnibus

Est praesto patrocinium,
Tuis orationibus

Placatum redde filium
Nobis te deprecantibus,
Est cui soli proprium
His invocari vocibus:
Iesu, redemptor om-
nium.

59. Maria, ne permiseris

Nos esse viros sanguinum,
Quos sanguis Christi lateris

Lavit a labe criminum,
Quinimmo iuncti superis

Te mereamur Dominum
Sequi, quocunque ieris,

Iesu, corona virginum.