57. De beata Maria V.

1. Gaude, felix Maria,
Tota plena gratia

Conceptus exordio;
Gaude, felix regia,
Tota plena gloria

Ventris tui medio.
2. Gaude, felix gemmula,
Refulgens per saecula,

Flos sine contagio ;
Gaude, felix virgula,
Sanctitatis regula

Carens omni vitio.

3. Gaude, felix nesciens
Virum et concipiens

Dominum cum gaudio ;
Gaude, felix pariens
Integra, non sentiens

Poenam puerperio.
4. Gaude, felix civitas,
In qua sancta trinitas

Trino sedet solio;
Gaude, felix deitas
Et caro sunt unitas

Caelesti coniugio.

5. Gaude, felix fecunda,
Tibi non est secunda
Cum pudoris lilio;
Gaude, felix et munda,
Carnis curans immunda
Castitatis radio.
6. Gaude, felix femina,
Caeli claudens limina
Ventris in sacrario:

Gaude, felix domina,
Cuius caeli culmina
Flectuntur imperio.

7. Gaude, felix, ubera
Per caelorum munera

Plena praebens filio;
Gaude, felix, dextera
Dei super sidera
Sedens throno regio,

Ubi, virgo tenera,
Purget nostra scelera
Tua intercessio.