159. De beata Maria V.

1. Sempiterni regis mater,

casta spes fidelium,
Salus mundi, porta caeli,

angelorum gaudium,
Audi vota miserorum

tibi supplicantium,
Ut quos vexat incessanter

cogitandi vitium,
In conflictu mentis tuum

sentiant subsidium,
Ne consensus pravae carnis

trahat ad supplicium.

2. Gloriosa, quam beatam

dicunt regum filiae,
Stella maris, radix Iesse,

aurora iustitiae,
Placa nobis solem verum,

spes misericordiae,
Ut eductis, quos redemit,

de lacu miseriae,
Et quos lingua fecit reos,

solvat munus gratiae,
Praestet locum tua prece

in sanctorum requie.

3. Felix mater, cuius Deum
portaverunt viscera,

Cedrus alta, exaltata,
lucens inter sidera,

Consolare, quos accusant
tenebrarum opera,

Per te sanet peccatorum
Christus nostra vulnera,

Ut percepta, quam precamur,
pietatis dextera

Nos inducat, ubi regnat
cum patre, in aethera.