77. De beata 31aria V.

1 a. Imperatrix gloriosa,

Tu de spina candens rosa,
Genuisti lilium,

1 b. Virginalis famae glosa,
Pro gente facinorosa
Tuum ora filium.

2 a. Tu es stella matutina,
Claritatis lux divina,
Castitatis lilium,

2 b. Nos a sceleris sentina
Mundans et mala vicina
Fuga, laus humilium.

3 a. Miseratrix, larga mater,
Cum nos temptet hostis ater,

Miserere supplicum ;
Mediatrix, Deus pater

Te fecit vas publicum
Suo nato, quem rogato

Pro nobis maerentibus,

3 b. Ut prostrato hoste lato
Det pacem pereuntibus.
O regina mundi pia,
Adiuva nos in hac via

Miseros et exsules,
Columbina tu Maria,
Fac nos caeli proceres.