100. De beata Maria V.

1. O insignis sponsa Dei,
Mater alma sanctae spei,
Lignum vitae almifluum,
Sertum ferens praecipuum.

2. Ostende nobis sobrias
Sponsi et sponsae nuptias,
In illa dulci patria
Fructu vitae nos satia.

3. Paradisus voluptatis
Aquis vitae irriguas,
Fons totius bonitatis
Lacte et melle profluus.

4. Puro lacte, pio melle
Nostra infundens pectora
Fac nos pios sine felle
Et puros sine macula.

5. Deus pater, Deus fili,
Deus amborum caritas,
Tibi soli laudabili
Sit honor atque claritas.