96. De beata Maria V.

la. Mente gaudens exsultabo,
Dei matrem collaudatio,
Cui carmen decantabo
Cordis cum laetitia,

1b. Te laudantis sume votum,
Malum a me pelle totum
Et amoris auge votum,
Virgo plena gratia.

2 a. Aurem tuam huc inclina,
O virgo puerpera,
Desolatum, lux divina,
Consolari propera.

2 b. Porta patens caelestina,
Pietatis viscera
Nulli claude, nos, regina,
Nato tuo foedera.

3 a. Dulci nato lac propina
Ei praebens ubera,
Ut me salvet a ruina,
Iure matris impera.

3 b. Aula regis crystallum,
Mendicis dapifera,
Gratiae Dei piscina,
Dele mea scelera.

4 a. Ave, virgo iucundata,
Gabriele salutata,
Laetis arrhis subarrhata,
Favus mei melculi;

4 b. Ave, virgo desponsata,
Impraegnata, gravidata,
Rore caeli fecundata,
Zelus mei corculi.

5 a. Ave, flatu concepisti,
A reatu nos lavisti,
Mundo tristi subvenisti,
Rosa vernans verculi;

5 b. Ave, solem genuisti,
Stella solem protulisti,
Virga florem peperisti,
Arca tabernaculi.

6 a. Ave, lumen Simeonis,
Madens vellus Gedeonis,
Sponsa prudens Salomonis,
Ablutrix piaculi;

6 b. Ave, solis florens ortus,
Stella maris, tutus portus,
Ex te, mater, rex est ortus,
Genetrix puerculi.

7 a. Ave, morum disciplina,
Tu caelorum es regina
Et dolorum medicina,
Renovatrix saeculi;

7 b. Ave, gemma pretiosa,
Radix sancta virtuosa,
Virga Iesse fructuosa,
Liberatrix populi.

8 a. Ave, stella radiosa,
Florens vitis liliosa,
Splendor poli, mundi rosa,
Datrix vitae pabuli.

8 b. Ave, virgo mater pia,
Mundi salus, vitae via,
Spes lapsorum es, Maria,
Latrix pacis osculi.

9 a. Ave, decus puellarum,
Imperatrix reginarum,
Vera salus animarum,
Tutrix mundi tremuli;

9 b. Ave, vincla peccatorum,
Mater regis angelorum,
Laxa, firma spes reorum,
Tela frangens aemuli.

10 a. Ave, virga, pandis florem,
Stella, novum gignis solem,
Virgo mater, paris prolem,
Redemptorem saeculi;

10 b. Ave, virgo gloriosa,
Mater Chiisti generosa,
Caritate uberosa,
Radius carbunculi.

11a. Ave, virgo, quae portasti
Deum veram, quem Iactasti,
Plagas nostras tu sanasti,
Gratiae vas ferculi;

11b. Ave, virgo Dei parens,
Tori viri tactu carens,
Incorrupta semper manens,
Luna lucis speculi.

12 a. Ave, caelis honorans
Et in terris adorans,
Iuxta natum collocans,
Advocata queruli ;

12 b. Ave, tuam opem quaero,
Miser ego non despero,
Ad te curro, quamvis sero,
Turris defensaculi.

13 a. Ave, mater, placa natum,
Ora patrem ex te natum,
Per te castrum sit collatum
Patris habitaculi;

13 b. Ave, virgo, te saluto,

Miser languens faecis luto,
Me salvari per te puto,
Vale mille milies.

14. Ave, pone me sub tuto
A serpenteque versuto
Tuearis forti scuto,
Nato reconcilies.