145. De beata Maria V.

1. Salve, salve, o formosa,
Virgo nimis speciosa,

Sancta Dei genetrix,
Tu es virga benedicta,
A propheta iam praedicta,

De radice nobili,
2. Hoc est de Iesse radices
Ergo salve, o amice

Iesse Dei inelite,
Qui dedisti virgam talem,
Nunquam vidit mundus qualem

Nec visurus similem.
3. De qua virga flos ascendit,
Cuius odor non offendit,

Sed valde laetificat,
Dulcis ergo eius odor,
Dulcis sapor, pulcher color,

Nil in mundo pulchrius.
4. Ergo salve, o Maria,
Virgo clemens et benigna,

Singularis domina,
Ave, mater benedicta,
Cunctis floribus amicta

Cunctisque virtutibus.

5. Valde facta es suavis,
Quasi magna plena navis

Omnibus deliciis;
Omni plena es thesauro,
Plena gemmis, dives auro
Ac caelesti gratia.

6. Tu es nata velut rosa
Inter spinas sine spina

Et ut pulchrum lilium;
Christi dextris es locata,
Ut sis nostra advocata

Nunc et in perpetuum.
7. Tu es nostrum refugium
Atque Christi palatium

Et aula pudicitiae;
Tu in fine vitae meae
Dignare me visitare,

Indignum tuum servulum.
8. Ut sic terrorem Satanae
Per te queam evadere

Redeundo ad patriam,
In qua semper permanere
Atque tecum congaudere

Sine fine valeam.