21. Ad beatam Mariam V.

Ave, mater gloriosa,
Sponsa regis speciosa
Et de partu gaudiosa,
Quae es virgo virtuosa,

Benedicta, pretiosa,
Super omnes gratiosa,
Virgo Iesse generosa,
Pulchra nimis et formosa,
Humilium mitissima,
Sublimium altissima,
Simplicium purissima,
Prudentium doctissima
Et omnium beatissima,
Sis mihi reo benignissima
Miseroque piissima,
Egenti dulcissima,
Petenti gratissima,
Angelorum imperatrix.