31. De beata Maria V.

1. Ave, sponsa Dei patris,

Miserorum miseratrix,

Misericors Maria.

2. Ave Iesu Christi mater,
Te honorat Deus pater
In caelesti curia.

3. Ave, cognata spiritus
Sancti facta divinitus,
Te laudant caeli spiritus.

i. Ave, regina caelorum,
Mater regis angelorum,
Virgo beatissima.

5. Ave, lucerna gloriae,
Ave, piscina gratiae,
Ave, clementissima.

6. Salve, templum deitatis,
Triclinium trinitatis,
Virgo stirpe regia.

7. Salve, lumen beatorum,
Consolatio maestorum
In ista miseria.

8. Salve, salus adflictorum,
Refugium peccatorum,
Mundum replens gratia.

9. Salve, mater generalis,
Advocata specialis
Fidelium in via.

10. Salve, vita devotorum
Laetitiaque sanctorum,
Dulcissima Maria.

11. Gaude, virgo sine sorde,
Munda corporeque corde
Ab omni contagio.

12. Gaude, mater singularis,
Incorrupta Deum paris
Cum pudoris lilio.

13. Gaude, vita creatorum,
Redemptio redemptorum,
Imperatrix omnium.

14. Gaude, gloria naturae,
Flos et honor creaturae,
Hominum praesidium.

15. Gaude, misericordiae
Fons, rivulus clementiae
Dulceque refugium,
Ora pro nobis Dominum.