49. Ad beatam Mariam V.

1. Cum iubemur et tenemur

Deum in sanctis colere,
Matris laudem praeter fraudem

Nos decet eius molere
Molis oris cunctis horis,

Nam laudum est dignissima,
Vas honoris, flos pudoris

Et stella lucidissima.

2. O Maria, pyxis pia

Apothecae caelicae,
Ex qua dia theoria

Ceu fecit augelicae
Mellicatum zinzibratum

Incarnati filii,
Cuius dosis plus est rosis

Et fraglans odor lilii.

3. Tu divina medicina,

Virgo benigna, crederis,

Nam syropum et hysopum

Novi ministras foederis,

Apothecae sine faece

Vas pulchrum sine macula,
Da claretum cordi letum

Livoris absque facula.

4. Tu languores et errores

Aufer, apothecaria,
Ad medendum et delendum

Hos fer electuaria,
Unguentorum sanandorum

Vas aperi, cellaria,
Aegrotorum devotorum

Ut curetur lipparia.

5. Nos inflexat et invexat

Febrilis castrimargia,
Apoplexat et convexat

Corporalis letargia,
Hos rigores et tremores

Rosaram encathismate
Molli, mitis virgo, litis,

Nos et ab omni schismate.

6. O, piatis fove gratis

Legis et aporimate
Ac obscura cordis dura

Madescens epitimate,
Spei satis, caritatis

Ac fidei colliriis
Tuos vernas hic gubernas

Et a falsis suspiriis.

7. Omencastrum, fac emplastrum

Nostrae mentis vulneribus,
Cura spasmum et thenasmum

Noxae tuis muneribus,
Nos praeservet et conservet

Clementia tis nimia,
Ne succidat et collidat

Nos celer epidimia.

8. Sion nata, salve, grata,

Confectum, philanthropos,
Post te gyrat et suspirat

Gemens et flens anthropos,
Te honorat et implorat

Christicolarum natio
Et exorat, ut his rorat

Caeli dulcis potatio.

9. Tibi iunge, quos et unge

Cum oleo rosaceo,
Quos hic munge et compunge

In huius vitae spatio,
Ut purgemur et curemur

Ab omni peste criminis,
Quod vocemur et locemur

In arce caeli luminis.

10. Cum clysteri tu severi

Cordis purga serpiginem,
Esu lata dosi grata

Sanans mentis vertiginem,
Tu guttosis, calculosis

membra madescas horrida,
Ne brancosis tremulosis

Gutta notescat torrida.

11. Nam egentes et degentes
Peccati nos disuria
Nimis urget atque turget
Omnis boni xemiria,

Linitivo quodam divo
Aufer omnem lentiginem,

Mentis nigrae atque pigrac
Poli cunctam rubiginem.

12. A morbillis et scintillis

Muni nos herisipilae,
Cladis fortis atque mortis

Ne nos captent decipulae,
Tu staporem et tremorem

Aufer a podagricis,
Operandi quoque dandi

Vim confer chiragricis.

13. Mel rosatum, degustatum

Circa dilectum filium,
Impertire nobis mire,

Mater, post hoc exsilium,
Ut utamur et fruamur

Zuccarae Solatio,
Panis vitae sine lite

In caelesti palatio.

14. O Maria, virgo pia,

Tolle meas aporias,
In hac via dextra dia

Mis cordis purgans scorias,
Impolitae, maestae vitae

Quod post huius stadium
Cernam statim oculatim

Sceptritenentis radium.

15. Mater lustri, me perlustri,

Cum medicina satia,
Ne palustri seu amplustri

Satan regar fallacia,
In me tument et consument

Vitam acrocordines,
Ne me caedant atque laedant,

Christifera, sic ordines.

16. Nam me festant ac infestant

Morbosa flagitia,
Quae non lavant,sed me gravant

Per multa supplicia;
Informare me dignare

In virtutum topicis
Et curare me salvare

A pestibus hydropicis.

17. Iera pigra laxa nigra

Cordis atque catholicon,
Ut compungar, satis ungar

Confessus apostolicon,
Ad agalma quod cum palma

Conscendam sanus caelicum
Et in dia theoria

Manna mandens angelicum.

18. Me fecundes et emundes

Contritionis vomere,
Ut fiscosum et venosum

Possim phlegma evomere,
Sparaginas in me sinas

Radices non excrescere,
Verbum Dei, regis mei,

Quae faciunt arescere.

19. Sed meorum vitiorum

Stringatur diffidentia,
Phlegetontis, Acherontis

Ut evadam cantheria,
Fervor luxus, irae fluxus

Incendunt cardiacam,
Interpola quam te sola,

Ne procuret hyliacam.

20. Cor adflictum et constrictum

Peccatorum asmate,
Mater, cura et secura

Sacro cataplasmate ;
O benigna, laude digna,

Vulneribus pestiferis
Sauciatus, mutilatus

Et pestibus mortiferis,

21. Te imploro et exoro

Complosis meis manibus,
Ut aegrotum me iam totum

Eruas a manibus
Et per vanum mundi sanum

Me serves temporaliter,
Post conamen tecum, Amen,

Ut vivam aeternaliter.