62. De beata Maria V.

1. Gaude, mitis, gaude, pia
Dei genetrix Maria,
Gaude, dulcis et serena,
Gratia, gloria plena.

2. Tota pulchra, tota bona,
Summi regis in corona
Gemma fulgens ut formosa,
Super omnes gloriosa.

3. O regina coronata,

Cunctis gemmis adornata,
Gaude semper et laetare
Et in Deo gloriare

4. Eo, qui te coronavit
Et in caelis sublimavit,
Summo throno collocavit,
Gloriose coronavit.

5. Laus, honor Deo deorum
In saecula saeculorum,
Uni trino sempiterno
Benedicamus Domino.