80. De beata Maria V.

1. In hac die gratiae
Tuae et clementiae

Matrem te ostende,
A qua fluit pietas
Quaevis et benignitas,
Quam, quaeso, impende.

2. Cunctis te colentibus
Cunctis te petentibus
Da desiderata,

Ob hoc ad te confluit
Mundus, cui influit
Pietate grata

3. Bonitas mirabilis
Cunctis et amabilis

Tua gratiosa,
Veniat celeriter,
Dans nobis feliciter

Cuncta virtuosa

4. Et sursum ascendere

Donet et arripere

Loca gloriosa.