81. De beata Maria V.

1. In te, per te, de te, ex te

pax venit hominibus,
Sub te, ob te, prae te, cum te

fax lucet hominibus,
Laeve, dextre, retro, ante

mox subvenis hominibus,
Infra, supra, ima, summa,

media sis omnibus,
Prima, terna et secunda

semper es in omnibus.

2. In te Deus homo de se
ortus est hominibus,
In te Deus fecit esse

foedus cum hominibus,
In te Deus fructum messe
maturat hominibus.

3. Per te carnem maculosam

mundavit copiose,
Per te vitem generosam

plantavit fructuose,
Per te matrem amorosam

salvemur gloriose.

4. De te, vitae medicina,
resinam stilla debili,
De te fluunt, o piscina,
rivi dure flebili,

De. te salus a sentina
tuens crescit famuli.

5. Ex te cedrus speciosa

crevit pudicitiae,
Ex te nardus odorosa

fert murram paenitentiae,
Ex te floret dulcorosa

palma patientiae.

6. Sub te luna luminosa
lucens splendidiflue,

Sub te cuna germinosa
lactatur melliflue,

Sub te tellus herbidosa
virescit fluctiflue.

7. Ob te palmes verae vitis
nectar fudit gratiae,

Ob te rivus fontis mitis
caret omni glacie,

Ob te cesset horror litis
pugnanti in acie.

8. Per te caeli lapsum zeli
restaurare poterant,

Per te casti ruptum veli
nullae integraverant,

Per te fasti mundi zeli
salvari non voluerant.

9. Cum te Deus, pater meus,
primitus genuerat,

Cum te Deus, natus eius,
mundum composuerat,

Cum te Deus, pneuma veras,
hominem docuerat.

10. Laeve stantes pravitatis
trahe de conamine,

Laevae manus pietatis
dextrent nos oramine,

Leve onus gravitatis
fit tuo adiuvamine.

11. Dextrae fac assistere,

cui tu assistis,
Dextrae da resistere,

cui tu obsistis,
Dextrae Dei sistere

digito nos histis.

12. Retro pressi pondere
molis perimmensae,

Retro puncti crimine
cordis sat intense,

Retro tecti dominae
sint vi valde tense.

13. Ante cernunt tremuli

delicta iam commissa,

Ante matrem Domini
actant nunc omissa,

Ante strati famuli
salventur ab admissa.

14. Infra te sunt agmina
caeli famulosa,
Infra nos sunt fragmina

valde criminosa,
Infra trahunt barathra,
o virgo, luctuosa.

15. Supra caelos residens

attrahe gementes,
Supra te, o praenitens,

sunt stellae resplendentes,
Supra nos est insidens

horror mortis flentes.

16. Ima si despexeris

in lacrimosa valle,

Ima si respexeris
in argillosa calle,

Ima si adduxeris
in gaudiosa valde,

17. Summa sumunt gaudia

a te, iubilosa,
Summa nostra scelera,

turpe nubilosa,
Summa princeps, rogita,

ut fiant luminosa.

18. Media cum terminis

eiusdem sunt naturae,

Media hinc cerneris
Deo et creaturae,

Media nos, virginis
potestas geniturae.

19. Prima, quae non similem

habere potuisti,
Prima, quae Deum hominem

fore voluisti,
Prima reum hominem

purgare meruisti.