82. De beata Maria V.

1. Iubilose resonando,
Serenose promulgando,
Amorose decantando

Laudum excellentiam,
Optans rite puritatem,
Commendare dignitatem,
Amatricis caritatem
Nec non confidentiam.

2. Honestate decorata,
Caritate penetrata,
In amore solidata,

Venustatis flosculum,
Alligatrix animosa,
Amplexatrix speciosa,
In vinetis vernans rosa,

Dulce praebens osculum.

3. Nitens vultu coruscante,
Visa gyrans illustrante,
Ore patens mellicante

Rubicundis labiis,
Nympha luce praefulcita,
Praeamoena margarita,
In amantis corde sita,

Fando dulciloquiis.

4. Effusiva mellicorum,
Incentiva frigidorum,
Transfigentem ocellorum

Clare ferens radium,
Salutaris amor scatet,
Tota fraus dolosa latet,
Aestuante corde patet

Amabundum lilium.

5. Confortatrix intuentis,
Infirmatae calor mentis,
Coadiutrix desinentis,

Pulchrior sideribus;
Affectanda corde plaudens,
Gemma candens, risu gaudens,
Praeferens sum cunctis audens

Lapidum generibus.

6. Languet cor nec satiatur,
Risus tepet, heu, tristatur,
Dum hoc flore non utatur

Caret et intuitu;
Iucundatur, hilarescit,
Delectatur, cor fervescit,
Ex aspectu iuvenescit

Sempiterno fruitu.

7. Sanativa corde rata,
Genis pulchris figurata,
Albens dente, fronte grata,

Praeformosa crinibus ;
Singularis es puella,
Fulgurosa picta cella,
Nec est visa talis stella

In terrarum finibus.

8. Eminentis lumen rerum,
Claritatis hoc procerum
Gestat corpus praesincerum

. Abundans laetitia;
Redimita philomena,
Dulcisonans cantilena,
Elongati summa poena,
Letali maestitia.

9, Paradisus proclamatur,
Pullulans flos protestatur,
Redolens vas reseratur

Nulla tincta macula;
Recumbentis cor transcendens
Incessanter est intendens,
Radiosa luna splendens

Ceti ardens facula.

10. Viret modo virginali,
Fulget modo magistrali,
Circumdata curiali,

Fragrans viri darium;
Tueatrix adoptiva,
Nocivorum ablativa,
Sanitatis causativa,

Crimen pellens varium.

11. Exoriri symphonia,
Citharoedi melodia,
Canticorum harmonia

Cernitur amplexibus,

Nectar merum os largitur,

Ut scriptum in petra scitur,

Mea spes nunc exauditur,

Ne morar ambagibus.

12. Virtuosa nominata
Fusca veste est stipata,
Rubicunda combinata

Absque zyma scoriae,
Stabilita, coronata,
Mater pura conservata,
Tandem, cara Iesu nata,

Caeli data gloriae.