112. De beata Maria V.

1. O Maria, virgo pia,
Mater Dei, caeli via,
Angelorum domina,
Me conforta, me defende,
Contra hostes manum tende,
Delens quaeque vitia.

2. O Maria, mater lucis,

Quae ad lumen nos reducis,

Esto mihi praevia,
Servi tui preces audi
Et intentum tuae laudi
Christo reconcilia.

3. Ora regem tuum natum,
Ut me multis implicatum

Curis et erroribus
Mundum reddat a peccatis
Et infundat veritatis

Lumen meis sensibus.

4. Cum fervore pietatis
Det amorem paupertatis,

Cor mundum et humile,
Cor contritum, abnegatum,
Rectum, gratum, transforma-
tum,
Patiensque stabile.
5. Mores pios et iucundos
Et ab omni sorde mundos,

Quos exornet pietas,
Appetitum aeternorum
Et contemptum mundanorum,
Ubi tanta vanitas.
6. Et agenda doce nosse,
Velle simul atque posse
Pro me, pia, postula,
Ut cum mortis solvam iura
Me defendas a pressura
Per aeterna saecula.