124. De beata Maria V.

O virgo, splendor gloriae,
Sanctificata spiritu,
In caverna maceriae
Columba plena gemitu,
5. Nobis Aegypti exitu
Occurre, plena gratia,
Et malignae familiae
Defende nos a fremitu,
In iustorum exercitu
10. Dulci fruamur requie.
Gratiarum monilibus
Ornaris Christi gratia,
Pretiosis lapidibus
Virtutum fulgens gratia,

15. Tu plena sapientia

Cunctisque charismatibus,
Tua serva potentia,
Da nobis pacem omnibus,
Virginum primiceria.

20. Tu sempiterno foedere
Caelesti sponso iungeris,
Fac nobis hunc dulcescere,
Cuius tu mater crederis,
Et cum sis arca foederis,

25. Placatum nobis redde(re)
Illum vindictae tempore,
Meritis cuius frueris.
Sucurre nobis miseris

Iam lucis orto sidere
30. Et digneris ocurrere
Nobis in die funeris.