133. De beata Maria V.

1. Salve, gaude, mater regis,
Cum quo regnas, cum quo regis

Et disponis omnia,
Nos in via ita rege,
Ut regnare cum hoc rege

Possimus iu patria.
2. In qua nullus regnat foedus,
Nec cum foedo inest foedus,

Nec regnat malitia,
Illic solum regnant mundi
Cum hoc, qui est salus mundi,

Dei sapientia.

3. Super omnes mundos munda,
Mater regnans, tu nos munda

Ab omni spurcitia
Et mundatos nos a menda
Peccatorum tu commenda

Gubernanti omnia.
4. Ac post mortem nos ad loca
Caeli trahe nosque loca

Cum sanctis in gloria,
Qua det frui Dei natus
Nobis, Christus ex te natus

Sumpta carne propria.