135. De beata Maria V.

1. Salve, mater illibata,
Ave millies optata,
Summo Deo desponsata

Virgo, mater, filia ;
Salve, salve, virgo clara,
Iesu Christo multum cara,
Super omnes sublimata
In caelesti patria.

2. Super omnes te adoro,
Super omnes te imploro
Genu flectens tota mente,

Me benigne suscipe.
Ave, sancta, cherubina,
Mundi princeps et regina,
Quae fuisti sola digna

Ferre saecli pretium.

3. Tu es virgo ante partum
Et in partu et post partum,
Semper casta, semper pura,
Semper Deo placitura.
Ergo audi, O Maria,
Aurem tuam huc inclina,
Natum tuum deprecare,
Ut dignetur nobis dare
Paradisi gaudia.