136. Iubilus Aureus BMV.

1. Salve, mater

misericordiae,
Mater spei

et mater veniae,
Mater Dei

et mater gratiae,
Mater, inquam,

totius gloriae.
2. Salve, salus

humani generis,
Salve, virgo,

dignior ceteris,

Quae virgines

omnes transgrederis,
Et altius

sedes in superis.
3. Salve, sancta

sanctorum omnium,
Laus et honor,

decus fidelium,
Aula Dei,

domus palatium,
Deitatis

reclinatorium.

4. Te creavit

pater ingenitus,
Obumbravit

te unigenitus,
Fecundavit

te sanctus spiritus,
Dum es facta

tota divinitus.

5. Te creavit

Deus mirabilem,
Te respexit

ancillam humilem,
Te quaesivit

sponsam amabilem,
Tibi nunquam

fecit consimilem.

6. Te beatam

laudare cupiunt
Omnes sancti,

sed non sufficiunt,
Nam tot laudes

tibi conveniunt,
Quod laudantes

omnes deficiunt.

7. Ex quo digna

Deum es parere,
Nemo digne

potest exprimere
Laudes tuas

nec satis dicere,
Quantum gaudes

divino munere.

8. Quia vere

caput es virginum
Et laus summa

non habens terminum,
Angelorum

laudes et hominum
Promereris

ipsa post Dominum.

9. Beata es,

virgo puerpera,
Nam, qui sedet
in patris dextera

Caelum regens,
terram et aethera,

Intra tua

se clausit viscera.

10. Imperatrix,

cuius imperio
Tota gaudet

caelestis contio,
Tanta laus est

tibi in filio,
Quod humana

non capit ratio.

11. Pia mater

et virgo nobilis,
Benedicta

et venerabilis,
Universis

incomparabilis,
Tibi nunquam

fuit consimilis.

12. O quam pulchra

puella parvula,
Quam suavis

et sine macula,
Sed quam potens

regnas in saecula,
Tua satis

probant miracula.

13. Tu es, virgo,

ceteris purior,
Virginibus

es gradu dignior,
Super omnes

aspectu pulchrior,
Et in sanctis

post Deum sanctior.

14. Pia mater,

per tui gratiam
Revertitur

exsul ad patriam,
Peccatores

merentur veniam
Et beati

possident gloriam.

15. Nomen tuam

daemones cruciat,
Tua virtus

reos remediat,
Tuus odor

sanctos inebriat,
Fructus vero

beatos satiat.

16. Fons hortorum,

aquarum puteus,
Via lucis,

splendor sidereus,
Dei sedes

et thronus aureus,
Te conventus

laudat aethereus.

17. Cella fragrans

morum dulcedine,
Omni carens

amaritudine,
Veri solis

amicta lumine,
Omnes tibi

congaudent feminae.

18. O quam felix,

quae mundo praesides,
Mundum regis

et caelum possides,
Et cum Deo

regina resides,
Hostes nostros

malignos obsides.

19. Tu es clavis

superna reserans,
Nubes solis

ardorem temperans,
Eos fornacis

ignem refrigerans,
Medicina

salutem operans.

20. Tu fuisti

vellus in area,
Arca legis,
turris eburnea,

Tu es nobis

salutis galea,
Granum purum

excussum palea.

21. Tu es virens

oliva fertilis,
Tu columba

simplex et humilis,
Tu columna

fidei stabilis,
Porta Sion

inexpugnabilis.

22. Tu, beata,

fuisti lilium
Inter spinas

et flos convallium,
Tu es portus

praestans suffragium,
Tu es reis

semper remedium.

23. Rubus ardens,

palma iustitiae,
Murra, nardus

summae fragrantiae,
Hortus virens,

flos pudicitiae,
Te honorant

caeli militiae.

24. Ut adfirmat

fidelis populus,
Tu es, mater,

caecorum oculus,
Pes claudorum,

virga et baculus
Omniumque

sanctorum titulus.

25. Fons signatus

distillans oleum
Pietatis

et rorem melleum,
Purga mentem,

munda cor felleum,
Dona nobis

salutis gaudium.

26. Benedicta

in mulieribus,
Quae de tuis

castis visceribus
Peperisti

pacem hominibus,
Plena semper

donis caelestibus.

27. Tu civitas

superni numinis,
Tu claritas

superni luminis,
Tu dignitas

nostri propaginis,
Et pietas

summae dulcedinis.

28. Per te mundus

accepit puerum,
Per quem sordes

lavantur scelerum,
In te sperat

conventus pauperum,
Dona tua

non habent numerum.

29. Mater digna

virginis nomine,
Insignita

Dei imagine,
Decorata

similitudine,
Te collaudant

sanctorum animae.

30. Tu es terra

dans fructum optimum,
Petra fluens

potum largissimum,
Fons redundans

in flumen maximum,
Vas reservans

manna dulcissimum.

51. Sol es, virgo,

ecclipsim nesciens,
Sol in caelis
de terra oriens,

Sol de caelis

terram prospiciens,
Sol peccati

nubes demoliens.

32. Lux serena,

aurora rutilans,
Peccatorum

tenebras ventilans,
Tibi mundus

exsultat iubilans,
Esto, pia,

super nos vigilans.

33. Mons sublimis,

salutis speculum,
Via vitae,

morum spectaculum,
Quae in caelo

regnas in saeculum,
Christianum

defende populum.

34. Gemma fulgens

splendore nimio,
Luna lucens

caelesti radio,
Desolatis

tu consolatio,
Tu tentatis

firma protectio.

35. Tribus Iuda

genus dignissimum,
Tu potens es

apud altissimum,
Nostrum vitae

praepara animum
Et defende

in finem ultimum.

36. Sola virgo,

quae cunctas haereses
Interimis

et frangis carceres
Captivorum,

adiuva pauperes
Et fac eos

ad vitam celeres.

37. Sanctitatis

totius femina,
Mundi princeps

et caeli domina,
Servis tuis

relaxa crimina
Et eorum

mentes illumina.

38. Vitis vera,

extende palmitem
Tuum ad nos,

ut eum comitem
Habeamus

vitaeque limitem
Et postea

in caelis hospitem.

39. Stella maris,

emitte radium,
Placa mare,

aufer naufragium,
Tolle navim

periclitantium,
Esto lassis

in adiutorium.

40. Ex te, virgo,

natus est filius
Iesus Christus,

quo nihil dulcius,
Quem rogamus

omnes attentius,
Ut sit nobis

per te propitius.

41. Vas, excelsi

opus mirabile,
Stella caeli,

signum spectabile,
Per te nobis

fiat possibile,
Quod rogamus,

et impetrabile.

42. Virga fumi,

domus aromatum,
Apotheca

plena charismatum,

Divinorum

magistra dogmatum,
Fac, ut tecum

agamus sabbatum.

43. Vallis vernans

virtutum liliis,
Tota fluens

summis deliciis,
Tuis, sancta

mater, suffragiis
Condescende

nostris miseriis.

44. Lux iucunda,

refove flebiles,
Aegros sana,

conforta debiles,
Fac nos mites,

castos et humiles
Et in fide

fortes et stabiles.

45. Advocata

nostra praecipua,
Tua prece

semper assidua,
Quod in nobis

sordet, evacua,
Ad patriam

sis nobis obvia.

46. Virgo mater,

ancilla Domini,
Nos rebelles

tuo regimini
Et subiectos

multo discrimini
Commendamus

tuae dulcedini.

47. Virga Iesse

fecunda, florida,
Lampas caeli

prae cunctis fulgida,
Corda nostra

in bono tepida,
Fac, ut fiant

in bono fervida.

48. Rosa rubens,

quae semper redoles,
Semper gaudes

et semper condoles,
Precamur, ut

sic nobis adoles,
Pias preces

pro nobis immoles.

49. Sicut patet

omnium oculis,
Totus mundus

subest periculis,
Sed tu, virgo

praeclara titulis,
Libera nos

precibus sedulis.

50. In hac vita

multa pericula
Nobis instant

et multa vincula,
Et idcirco

tu mente sedula
Regnum caeli

pro nobis postula.

51. In hoc mundo

vix bonum facimus
Et a malis

nunquam quiescimus,
Et sic vitam

ac tempus perdimus,
De te tamen

semper confidimus.

52. Mundus plenus

figmentis luteis
Nos diversis

pungit aculeis,
Sed salva nos

ab eius laqueis,
Tu beata,

quae cunctis subvehis.

53. Heu, in mundo
deficit veritas,
Pax et amor,
sensus et pietas,

Et abundat

fraus et iniquitas,
Sed apud te

est omnis bonitas.

54. Vita praesens

est vapor modicus,
Umbra, ventus,

somnus phantasticus,
Flos, favilla,

decor sophisticus,
Pugna, cursus,

ascensus lubricus.

55. Hoc in mundo

vana sunt omnia
Et saluti

nostrae contraria,
Propterea

tu, plena gratia,
De supernis

mitte remedia.

56. Nos horrentes

amaritudinem
Huius vitae,

carnis putredinem,
Hostis fraudem,

mortis formidinem,
Imploramus

tuam dulcedinem.

57. Ne igitur

haec vita funebris,
Excaecata

peccati tenebris,
Nos corrumpat

carnis illecebris,
Conserva nos,

regina celebris.

58. In hac vita

sic miserabili,
Sic amara,

caduca, labili,
Vita nequam

et plena nihili
Custodi nos

cura pervigili.

59. Heu, nos mundus

vexat continue,
Ab eodem,

mater, nos erue,
Et pro nobis

orans assidue
Vitam nobis

aeternam tribue.

60. Huius mundi

fraus et malitia
Nos compellunt

ire per devia,
Labor, timor,

nefas, miseria,
Nec timemus,

dum tu sis praevia.

61. Nos etiam

servi nequissimi
Hic timemus

ab hoste perimi,
Sed tu, sponsa

regis altissimi,
Non permittas

nos tantum deprimi.

62. In hac vita

omnes communiter
Impugnamur

ab hoste fortiter
Et interdum

vincimur turpiter,
Sed iuva nos

misericorditer.

63. Pia mater,

respice filios
Inter hostes

pugnantes impios,
Irruentes

repelle gladios
Et sanctorum

fac esse socios.

64. Ecce, mater,

hostes tartarei,
Prodeuntes
ab ore putei,

Viam claudunt

regni siderei
Nec permittunt

nos sursum provehi.

65. Virgo dulcis

et summe sapiens,
Pietatis

fons indeficiens,
Servis tuis

esto compatiens,
Quos infestat

hostis percutiens.

66. Tu fuisti

funda cum lapide,
Quae percussit

Goliam valide,
Et nunc, mater,

orando fervide
Hostem fuga

et pacem provide.

67. Preces tuae

nobis subveniant,
Pia mater,

et sic custodiant
Hora mortis,

ut hostes fugiant,
Et nos caeli

cives suscipiant.

68. Nos timentes

hostis insidias,
Hora mortis

magis quam alias,
Supplicamus

nunc, tunc subvenias
Et nos ope

tua custodias.

69. Mentes nostras

peccatis deditas
Multum terret

mortis acerbitas,
Sed tu, mater,

quae caelos habitas,
Fac, ut nobis

detur securitas.

70. Licet nobis

poena sit vivere,
Multum tamen

nos facit tremere
Mors, quam nemo

potest effugere,
Sed tuum est

nobis consulere.

71. Nos timemus

horam novissimam,
Horam mortis

et diem ultimam,
Quia laesam

habemus animam,
Sed da nobis

tu spem firmissimam.

72. Auctor vitae

nos mori noluit,
Sed pro nobis

mortem sustinuit,
Qui in morte

pavit et timuit,
Eius timor

spem nobis tribuit.

73. Viam mortis

omnes ingredimur
Et post eam

nunquam revertimur,
Ex quo magis

timore premimur,
Per te tamen

in spem erigimur.

74. Nos in mundo

nascendo viliter
Et vivendo

miserabiliter
Festinamus

ad mortem iugiter,
In te tamen

sperando firmiter.

75. Heu, revera

viles et miseri,
Qui mox nati
cogimur conteri,

Efficimur

similes pulveri,
Properantes

ad portas inferi.

76. Sed tu, David

proles dignissima,
Mulierum

virgo pulcherrima,
Urbs regalis,

turris fortissima,
Defende nos

a morte pessima.

77. Concha plena

roris dulcedine,
Caelo regnas

cum summo principe.
Preces nostras

auribus percipe
Et in fine

nos tecum recipe.

78. Languentibus

in purgatorio,
Qui purgantur

ardore nimio
Et torquentur

sine remedio,
Subveniat

tua compassio.

79. O fons patens,

qui culpas abluis,
Omnes lavas

et nullum respuis,
Manum tuam

porrige mortuis,
Qui in poenis

languent continuis.

80. Ad te, pia,

suspirant mortui
Cupientes

de poenis erui
Et adesse

tuo conspectui
Et gaudiis

aeternis perfrui.

81. Clavis David,

quae caelum aperis,
O Maria,

succure miseris,
Qui tormentis

torquentur asperis,
Educ eos

de domo carceris.

82, Lex iustorum,

norma credentium,
Vera salus

in te sperantium,
Pro defunctis

sit tibi studium
Semper tuum

orare filium.

83. Benedicta,

per tua merita
Te rogamus,

mortuos suscita
Et dimittens

eorum debita
Ad requiem

sis eis semita.

84. In tremendo

Dei iudicio,
Quando fiet

stricta discussio,
Tune etiam

supplica filio,
Ut sit nobis

cum sanctis portio.

85. Dies illa,

dies terribilis,
Dies malis

intolerabilis,
Sed tu, mater,

sis deprecabilis,
Fac, sit nobis

iudex placabilis.

86. Illa die

tantus servabitur
Rigor, quod vix
iustus salvabitur,

Nemo reus

iustificabitur,
Sed singulis

ius suum dabitur.

87. Nos timemus

diem iudicii,
Quia male

de nobis conscii,
Sed tu, mater

summi consilii,
Para nobis

locum refugii.

88. Tunc iratus

iudex adveniet,
Singulorum

causas discutiet
Personamque

nullam accipiet,
De singulis

iuste definiet.

89. Horrendum est

illud iudicium,
In quo nullum

erit refugium,
Sed quilibet

poenam et praemium
Recipiet,

hoc non est dubium.

90. Iustus iudex

dando sententiam
Non faciet

iustis iniuriam
Nec iniustis

faciet gratiam,
Sed tenebit

strictam iustitiam.

91. Et ideo

nunc coram iudice
Pro miseris

te ipsam obice,
Cum filio,

beata, perfice,
Ut nobiscum

agat pacifice.

92. Nunc igitur,

mater, adcelera,
Pietatis

ostende viscera,
Nato pectus

offer et ubera,
Et eidem

pro nobis impera.

93. Summi regis

mater et filia,
Cui nullus

par est in gloria,
Tua, mater,

dulcis clementia
Sit tunc et nunc

nobis propitia.

94. Pia mater,

quae cunctos respicis,
Cunctos iuvas

et nullum despicis,
Erue nos

de manu iudicis
Et iunge nos

choris angelicis.

95. Stirps electa,

deiectos erige,
Deviantes

ad viam redige,
Bonos auge

et malos corrige
Ac sic tecum

nos omnes collige.

96. Lux caelestis,

nostra spes unica,
Pietate

tua magnifica,
Dei nutrix,

reos iustifica
Et eos tunc

tecum glorifica.

97. Iesu mater,

summae clementiae,
Summae laudis

et excellentiae,
Sta pro nobis

in caelis hodie,
Ut nos tecum

fruamur requie.

98. Haec itaque

benigne poscimus
Atque ad hoc

suspirat animus,
Ut deleas

mala, quae fecimus,
Et des bona

quae semper cupimus.

99. Tua, virgo,

iucunda facies,
Tua cunctis

miranda species,
Beatorum

est magna requies,
Qua nos tecum,

si placet, saties.

100. Nunc, regina

summi regiminis,
Mediatrix

Dei et hominis,
Quae placare

Deum non desinis,
Esto finis

huius dictaminis.

AdminBookmark

AdminBookmark

Benedicta et venerabilis,
Pia, prudens, decora, nobilis,
Universis imcomparabilis,
Tibi nunquam fuit consimilis.

AdminBookmark

AdminBookmark

Ante thronum trinitatis,
Miserorum miserata,
Sis pro nobis advocata.

Virgo solis amicta pallio,
Cui luna pedibus sternitur,
Duodeno stellarum radio
Caput ornans corona praeditur,
Super cuncta praelata cernitur,
Quae in caelis regina conspicitur.
Cerne virtutum se matrem carne solutum [sic].

AdminBookmark

AdminBookmark

An nos sponsum solum laudabimus
Et te matrem eius silebimus?
Non id decet, sed te cantabimus
Dei matrem, quanto valebimus.
In D findet sich der Schlufs folgendermafsen gestaltet:
Nunc, regina summi regiminis,
Mediatrix Dei et hominis,
Quae precare Deum non desinis,
Esto memor tui miseri scriptoris,

O Maria.
O mater piissima ordinis Carmeli,
O aqua dulcissima de fonte Elisaei,
Ad quam qui confugiunt, omnes sint redempti,
O Maria.

AdminBookmark

1. Salve, mater misericordiae,
Mater spei et mater veniae,
Mater Dei et mater gratiae,
Mater, inquam, totius gloriae.

2. Salve, salus humani generis,
Salve, virgo dignior ceteris,
Quae virgines omnes transgrederis,
Et altius sedes in superis.

3. Salve, sancta sanctarum omnium,
Laus, honor et decus fidelium,
Aula Christi, domus palatium,
Deitatis reclinatorium.

4. Te creavit pater ingenitus,
Obumbravit te unigenitus,
Fecundavit te sanctus spiritus,
Tu es sancta tota divinitus.

5. Te creavit Deus mirabilem,
Te respexit ancillam humilem,
Te quaesivit sponsam amabilem,
Tibi nunquam fecit consimilem.

6. Te beatam laudare cupiunt
Omnes sancti, sed non sufficiunt,
Quia tot laudes tibi conveniunt,
Quod laudantes omnes deficiunt.

7. Ex quo Deum digna es parere,
Nemo potest digne exprimere
Laudes tuas nec satis dicere,
Quantum gaudes divino munere.

8. Pia mater, respice filios,

Inter hostes pugnantes impios,
Irruentes repelle gladios,
Angelorum fac esse socios.

9. Ecce, mater, hostes tartarei
Prodeuntes ab ore putei
Viam claudunt regni siderei,
Nec permittunt nos sursum provehi.

10. Virgo dulcis et summe sapiens,
Pietatis fons indeficiens,
Servis tuis esto compatiens,
Quos impugnat hostis percutiens.

11. Tu fuisti funda cum lapide,
Quae Goliam percussit valide,
Et nunc, mater, orando obtine,
Hostem fuga et pacem provide.

12. Preces tuae nobis subveniant,
Pia mater, et sic custodiant
Hora mortis, ut hostes fugiant
Et nos caeli cives suscipiant.

13. Nos timentes hostis insidias,
Hora mortis magis quam alias,
Supplicamus, ut nunc subvenias
Et nos ope tua custodias.

14. Mentes nostras peccatis deditas
Multum terret hostis acerbitas,
Etnunc,mater,quaecaelos habitas,
Fac, ut detur nobis securitas.

15. Sed nobis ponas sic vivere,
Multum tamen facit nos tremere
Mors, quam nullus potest effugere,
Sed tuum nobis est consulere.

16. Nos timentes horam novissimam,
Horam mortis et diem ultimam,
Quia laesam habemus animam,
Sed da nobis
tune spem firmissimam.

17. Illo die tantus servabitur

Rigor, quod vix iustus salvabitur,
Nemo reus,qui non. condemnabitur,
Et cuique ius suum dabitur.

18. Auctor vitae nos mori noluit
Et pro nobis mortem sustinuit
Et in morte pavit et timuit,
Cuius timor nos multum terruit.

19. Beata es, virgo puerpera,

Nam qui sedet in patris dextera,
Caelum, terram(que)

regens et cetera,
Intra tua se clausit viscera.

20. Imperatrix, cuius imperio
Tota gaudet caelestis contio,
Tanta laus est tibi in filio,
Quod humana non capit ratio.

21. Benedicta es, venerabilis,
Pia, prudens et tota nobilis,
Universis incomparabilis,
Tibi nunquam fuit consimilis.

22. O quam pulchra puella parvula,
Quam suavis, quam sine macula,
Sed quam potens regnas in saecula,
Tua satis probant miracula.

23. Tu es, virgo, ceteris purior,
Virginibus es gradu dignior,
Super omnes aspectu pulchrior
Et in sanctis post Deum sanctior.

24. Pia mater, per tuam gratiam
Revertitur exsul in patriam,
Peccatores merentur veniam
Atque sancti possident gloriam.

25. Nomen tuum daemon reticeat,
Tua virtus vero subveniat,
Tuus odor sanctos inebriat,
Fructus vero beatos faciat.

26. Fons hortorum, aquarum puteus,
Via lucis, splendor aethereus,
Dei sedes et thronus aureus,
Te conventus laudat aethereus.

27. Cella fragrans morum dulcedine,
Omni carens amaritudine,
Veri solis amicta lumine,
Tibi omnes congaudent feminae.

28. O quam felix,

quae mundo prae sides,
Mundum regis et caelos possides
Et cum Deo regina resides,
Hostes nostros malignos occides.

29. Tu es clavis superna reserans
Atque [!] solis ardorem temperans,
Ros fornacis ignem refrigerans,
Medicina salutem operans.

30. Tu fuisti vellus in area,
Arca lucis, turris eburnea,
Tu sis nobis salutis galea,
Granum purum excussa palea.

31. Tu es virens oliva fertilis,

Tu columba simplex et humilis,
Tu columna fidei stabilis,
Porta Sion inexpugnabilis.

32. Tu, beata, fuisti lilium

Inter spinas et flos convallium,
Tu es portus portans suffragium,
Tu es reis semper remedium.

33. Rubus ardens, palma iustitiae,
Murra, nardus

summae fragrantiae,
Hortus virens, flos pudicitiae,
Te circumdant caeli delicitae.

34. Ut affirmat fidelis populus,
Tu es ergo caecorum oculus,
Pes claudorum, virga et baculus,
Omnium sanctorum es titulus.

35. Fons signatus, distillans oleum
Pietatis et rorem melleum,
Para nobis salutis gaudium
Et emunda cor nostrum fellexum.

36. Benedicta (tu) in mulieribus,
Quae de tuis castis visceribus,
Plena semper donis caelestibus,
Peperisti pacem hominibus.

37. Tu civitas superni numinis,
Tu claritas caelestis luminis,
Tu dignitas nostrae compaginis,
Tu pietas summae dulcedinis.

38. Per te mundus accepit puerum,
Per te sordes lavantur scelerum,
In te sperat conventus pauperum,
Dona tua non habent numerum.

39. Mater digna virginis nomine,
Insignita Dei imagine,
Decorata similitudine,
Te collaudant sanctorum animae.

40. Tu es terra dans fructum optimum,
Petra fundens potum largissimum,
Fons redundans

in flumen maximum,
Vas reservans manna dulcissimum.

41. Sol es, virgo, eclipsin nesciens,
Sol peccati nubes demoliens,
Sol de caelis terram respiciens,
Sol de caelis in terra oriens.

42. Lux serena, aurora rutilans,
Peccatorum tenebras ventilans,
Ad te mundus exsultat iubilans,
Esto, pia, super nos vigilans.

43. Mons sublimis, salutis speculum,
Via vitae, morum spectaculum,
In caelis habitas in saeculum,
Christianum defende populum.

44. Gemma splendens splendore nimio,
Lumen lucens caelesti radio,
Desolatis sis consolatio
Et temptatis firma protectio.

45. Tribus Iuda genus dulcissimum,
Omnipotentis es altissimum,
Nostrum in te perurgens animum,
Nos perurge in finem ultimum.

46. Sanctitatis totius femina,

Mundi princeps et caeli domina,
Servis tuis relaxa crimina
Et eorum mentes illumina.

47. Ex te, virgo, natus est filius,
Puer Iesus, quo nihil dulcius,
Quem rogamus omnes attentius,
Ut sit nobis per te propitius.

48. Vas, excelsi opus mirabile,
Stella caeli, signum spectabile,
Per te nobis fiat possibile,
Quod rogamus, et impetrabile.

49. Advocata nostra propitia,
Tua prece semper assidua,
Quod in nobis sordet, evacua
Et sis nobis ad caelum obvia.

50. In hoc mundo vix bonum facimus
Et a malis nunquam quiescimus,
Et sic vitam et tempus perdimus,
De te tamen semper confidimus.

Digneris praestare quod petimus.