137. Ad beatam Mariam V.

Salve, mater salvatoris,

Audi preces familiae,
Tu, quae spes es peccatoris

Et fons misericordiae.
In hac valle, quam laboris

Et luctus et inediae
Infirmitasque doloris

Circumstant et miseriae,
Esto nobis ros dulcoris

Et virtus tolerantiae
Contra aestus incentoris,

Ne nos eius versutiae
Laedant intra sive foris,

Ut per te nos rex gloriae
Iungat angelorum choris

Caelestiumque curiae.

AdminBookmark