141. De beata Maria V.

Salve, regina, miseri cordis medicina,
Vitaque dulcedo, spes nostra per omnia, credo ;
Exsilium gentes ad te clamant patientes,
Evae qui geniti sunt ad suspiria, niti
5. Coguntur fiendo, lacrimarum valle gemendo.
Eia, Deo grata, mediatrix nostra vocata,
Ad nos converte [mater] tua lumina, per te
Cernere da Christum post finem, poscimus, istum,
Qui tuus est fructus benedictus; pellere luctus
10. Clemens posce, pia, dulcissima virgo Maria.
Me rege viventem nec, virgo, sinas morientem,
Offer, mater Dei, me perpetuae requiei,
Tu mea facinora dele per te, virgo Maria.