142. De beata Maria V.

Salve, regina, miseri cordis medicina,
Vitaque dulcedo, spes certa per omnia nobis,
Exsilium gentes ad te clamant patientes,
Eia, nos miseri sumus, en, patria spoliati,
5. Ex hac nos ad te lacrimarum flemus abysso.
Eia, per gratiam mediatrix nostra vocata
Ad nos convertas [mater] tua lumina, per te
Cernere da Christum post finem, poscimus, [istunm],
Qui tuus est fructus benedictus, (de)pellere luctus

10. Clemens posce, pia, o dulcissima virgo Maria.
Me rege viventem nec, virgo, sinas morientem,
Offer, mater Dei, me perpetuae requiei,
Tu mea facinora avertas prece, virgo Maria.