140. Ad beatam Mariam V.

Salve, sancta mater Dei,
Da effectum meae spei,
O maestorum consolatrix,
O lapsorum sublevatrix,
Confer mihi auxilium

Tuum placando filium.
Ora regem, iube nato,
Ut me mundet a peccato,
A peccato actuali,
Quem mundavit originali

Suo pretioso cruore,
Te attestante cum dolore,
Cum aspiceres poenam nati,
Clavis, lancea perforati,

15. Et illius sanguinem fundi,
Quem genuisti Dominum

mundi.
Memento ergo, virgo mitis,
Cur hoc ambo passi sitis,
Hic in carne, tu in mente,

20. Cum pateretur te praesente.
Causa mei crucem ascendit,
Ut salvator in cruce pependit,
Causa mei tu doluisti,
Cum aspiceres mortem
Christi.

25. Quia subiit causa mei
Poenam crucis filius Dei,
Sic et ego causa fui

Suae mortis et doloris tui.
Noli ergo, mater spei,

30. Haec oblivisci odio mei,
Sed pro reo, domina, ora,
Filius audiet te sine mora,
Quidquid petieris, dabit tibi,
Quam elegit matrem sibi,

35. Cuius de utero voluit nasci,
Cuius ab uberibus voluit pasci.
O regina angelorum,
Laus iustorum,

spes miserorum,
Per quam reis donatur venia,

40. Per quam iustis

redduntur praemia,
Et commendo animam meam,
Ut reconcilies filio tuo eam,
Ut in vitam aeternamperducat
illam.