148. De beata Maria V.

1. Salve, sancta parens,
Omni labe carens,
Salve, virga decens,
Plus quam rosa recens.

2. Salve, mater regis,
Cum quo cuncta regis,
Salve, mater lucis,
Ad quam lapsos ducis.

3. Salve, eius mater,
Qui est tuus pater,
Salve, quae fuisti,
Virgo, mater Christi.

4. Salve, mater alma
Virginumque palma,
Salve, quae tuorum
Es spes famulorum,

5. Salve, digna laude,

Mater sine fraude,

Salve, quae vocaris

Huius stella maris.

6. Salve, quae securos
Facis transituros,
Salve, per quam sursum
Quisque vertit cursum.

7. Salve, dux et via,
Dei mater pia,
Salve, gubernatrix
Mundi et salvatrix.

8. Salve, per quam sanum
Est genus humanum,
Salve, per quam mundus
Est omnis iucundus.

9. Salve, angelorum
Domina cunctorum,
Salve, super cunctos
Choros Christo iunctos.

10. Salve, iuxta natum
Tenens principatum,
Salve, quae precatu
Nos mundas reatu.