156. De beata Maria V.

I.

1. Salve, virgo fecundata,
Omni dono praedotata,
Christi mater illibata,

[Virgo] venerabilis ;
Salve, decus castitatis,
Forma mirae sanctitatis,
Fons perfectae pietatis,

O res admirabilis.
2. Salve, stella matutina,
Dulcis vitae medicina,
Vernans rosa sine spina,

Virga Iesse florida;
Salve, mundi consolatrix,
Angelorum imperatrix,
Tu labentum sublevatrix,

Corda [sana] morbida.

3. Salve, parens expers paris,
Iesum Christum mundo paris.
Clemens virgo, singularis

Protectrix humilium;
O Maria, caeli porta,
Te precamur, nos supporta,
Per quam mundo lux est orta,
Vera salus omnium.
4. O prae cunctis gratiosa,
Magis quam sol luminosa,
Mater eius generosa,
Qui creavit omnia;
Tu caelorum vera clavis,
Huius mundi tuta navis,
Vere mitis ac suavis,
Aufer nunc peccamina.

II.

1. Gaude, sancta, lux diei,
Memor esto semper rei,
Benedicta mater Dei,

O superna domina ;
Gaude, sancta, fons amoris,
Fons salutis, fons dulcoris,
Alma mater redemptoris,

Terge cuncta crimina.

2. Gaude, sancta, tu decora,
Plus splendescens quam aurora,
Iuva nos in mortis hora,
Caeli luminarium,

Et a nobis, lumen clarum,
Fuga noctem tenebrarum,
Tolle sordes offensarum
Post praesens exsilium.

8, Gaude, sancta, tota munda,
Virgo manens ac fecunda,
Prorsus nos immundos munda

Caecos et illumina;
Gemma clara mulierum,
Quae lactasti regem regum,
Pie totum fove clerum

Caritate gemina.

III.

1. Vale, verbi Dei cella,
Orbis fulgor, maris stella,
Serva tuos a procella
Mundi huius noxia;
Mundum pingis miro flore,
Florem paris miro more,
Virgo manens cum pudore
Novi floris gratia.

2. Mater regis et regina

De malorum nos sentina

Perduc ad caelestia;
Dele culpas, O Maria,
Deum placa prece pia,
Per te nobis detur via
Ad aeterna gaudia.