166. De beata Maria V.

1. Stupent leges, tacent iura,
Quod factorem creatura,

Virgo Deum genuit,
Iesse virga sine rore,
Inconsulto sine more

Florem, fructum protulit.

2. Haec est virgo speciosa,
Est haec virgo generosa,
Sceptrum regis luminis,
Haec est fructus vitae latrix,
Paradisi reparatrix,

Templum patris numinis.

3. Haec est Sara, quae subrisit,
Quando Deus hoc promisit:

En, habebis filium ;
Haec est laus prophetica
Et Engaddi vinea,
Caeli luminarium.

4. Haee Rebeccae et Rachelis,
Thamar, Iudith et Iaelis

Decus est et gloria;
Haec est florens vitae portus,
Botrus, favus, clausus hortus

Cellaque vinaria.

5. Haec est Hesther iram regis
Placans, Raab viros legis

Salvans in funiculo;
Haec est aura, sol, aurora,
Luna, stella quam decora,

Rutilans diluculo.

6. Haec, quam vidit Ioseph, spica,
Novum Segor Loth et sica

Et serpentis pertica,
Haec in templo est columna,
Arca Noe et columba,
Scala Iacob mystica.

7. Haec est nubes manna pluens,

Petra large semper fluens,

Manna vermes pariens,

Haec est pera, petra David,

Quae Goliam vi prostravit

Philistaeos opprimens.

8. Ruth est ista Moabitis
Et Susanna, quae, ut scitis,

Lavit in pomerio;
Haec flos campi, flatus roris,
Nostri tollens vim maeroris

Suo privilegio.

9. Haec est nardus, flos, unguen-
tum,
Cinnamomum, mel, pigmen-
tum,
Mater regis gloriae;
Haec est rubus visionis,
Haec maxilla est Samsonis
Rorem fundens gratiae.
10. Gedeonis haec est vellus,
Quod, dum sicca manet tellus,

Maduit in area;
Haec est tympanistria,
Arbor aromatica

Nostra mundans scelera.

11. Haec est thronus Salomonis,
Cui nullus par in thronis

Nec erit in saecula,
Haec dat fructum ligni vitae,
Haec est botrus, uva vite,

Mater et virguncula.
12. Gladius haec flammeus,
Currus est et igneus

Pugioque Phinees;
Haec est illa Thecuites,
Arte Ioab solvens lites,

Regno reddens exsules.
13. Haec magorum murra clara,
Haec Tobiae nupta Sara,

Quam angelus curaverat ;
Haec est Anna Samuelis,
Quem ter facta vox de caelis

Heli teste advocat.

14. Haec est Sumanitis regis,
De qua in scripturis legis,

Ministravit Davidi;
Haecestproles, haec est mater,
Hic est natus et hic pater,

Fide crede simplici.

15. Haec in Galaad resina
Atque sanans in piscina,

Quae dicitur probatica,
Hic trans vitrum lumen tendit,
Haec est scala, qua descendit

Ad nos Dei gratia.
16. Haec Abigail, quae regi
David placens, quando gregi

Nabal stultus adfuit ;
Haec est Aaron virgula,
Mater et virguncula,

Quae lacte patrem aluit.

17. Haec de Saba est matrona,
Salomoni tot dans dona,
Quae post nunquam visa
sunt;
Haec est, virum quae nescivit,
Virgo patrem parturivit,
O quam mira ista sunt.
18. Haec est Sina mons sublimis,
Haec est summa nectens imis,

Axa, Caleph filia;
Haec caelorum est regina,
De qua canit vox divina:
Ave, plena gratia.
19. Haec est parens, quae doloris
Prolem transfert et maeroris

Benoni et Beniamin;
Haec est virgo, quam vallavit
Christus Deus et locavit
Longe supra Cherubim.

20. Haec complevit hocpromissum
Et delevit iam commissum

Adae nostri seminis,
Per hanc victor est devictus,
Et seductor est seductus,

Auctor ille sceleris.

21. Ista nobis propalavit,

Quod tam longe prophetavit

Amos, lonas et Ioel;
Ora clausit prophetarum,
Dona dedit gratiarum,

Ecce, hic Emmanuel.

22. Sile, sile, Moyses,
Ieremia, puer es,

Nescis loqui plane;
Ezechiel, quid agis?
Immundo pane vesceris,

Nam prophetas vane.

23. Isaias nobilis,
Pollutus es labiis,

Non potes prophetare;
Daniel, tu sileas,
Somniator factus es,

Nescis vigilare.

24. Osee fornicarius,

Non prophetabis amplius,

Dux praesto est in foribus.
Sicomoros bellicas
Amos nihil prophetas,

Ecce, venit Dominus.

25. Ut quid plura dicerem,
Tempus quidem vincerem,

Si vellem meditare,
Quod de matre sentio,
Claudo sub compendio,

Sed nolo terminare.

26. Ergo, mater, proles cuius
Mundi vincla solvit huius,

Pro me roga filium,
Nomen meum tus et robur,
Tu saphyrus, iaspis, ebur,

Sponsique triclinium.