171. De beata Maria V.

1. Vale dicant virgini
Omnes servi Domini,
Natus est ex virgine
Sine viri semine

Pater, creator omnium.

Qui creavit omnia,
Caelum, terram, maria,
Carnem nostram induit,
Suorum cum voluit
Misereri fidelium.

2. Collaudemus virginem,
Quae Deum et hominem
Incorrupta genuit,
Qui peccata diluit

Et dat aeterna gaudia,

Qui reatus diluat
Nobis atque tribuat
Post carnis interitum
Ad superna transitum,
Ubi fruamur gloria.