175. Oratio ad beatam Mariam V.

1. Vale, salve, virgo pia,
Me solare, sponsa dia,
Nam sum maestus, ut scelestus

Dignus plaga Domini;
Magnam tamen spem concepi,
O Maria, cum percepi,
Quod sis data advocata

Reo nimis homini.

2. Maerens nimis est cor meum,
O Maria, quia Deum
Tunc offendi, cum descendi

Carnis in flagitium;
Mundus eram et pudicus,
O Maria, sed iniquus
Me foedavit, cum minavit
Veneris in vitium.

3. Martem Venus, hen, prostravit,
O Maria, proles David,
Et tunc mundum tunc immundum

Sibi fecit spurium;
Mihi decor virginalis,
O Maria, flos vernalis,
Quondam fuit, sed heu ruit

Luxus per contagium.
4. Modo plenus sum doloris,
O Maria, flos amoris,
Semper flebo et lugebo

Carens gaudimonio;
Me quis potest consolari,
O Maria, cum privari
Me nunc cerno sempiterno

Virginum praeconio?
5. Mea sordet margarita,
O Maria, proh, contrita,
Och, quod egi, quod confregi

Castitatis violaui !
Meus squalet nunc saphirus,
O Maria, pellens virus,
Heu, quod feci, quod abieci

Nobilem aureolam.

6. Ad te corde gemebundo,
O Maria, preces fundo,
Quia gravi, quam paravi,

Premor ego sarcina;
Ach, perturbat dolor ingens,
O Maria, me constringens
Spoliatum et nudatum

Virginali tunica.
7. Angelorum in decoro,
O Maria, quondam thoro
Consors fui, sed hinc rui

Propter immunditiam ;
Angit nimis cor anhelum,
O Maria, culpae telum
Ob peccata perpetrata

Per incontinentiam.
8. Me vestivit nitens byssus,
O Maria, sed conscissus,
Resolutus et pollutus

Sum per immunditiam;
Morum florem paradisi,
O Maria, nunc amisi,
Och, quid dicam, quod pudicam

Perdidi munditiam.

9. O Maria gratiosa,
Super omnes speciosa,

Impetra nobis veniam;
O Maria gratiosa,
Dulcis, mitis et formosa,

Applica nobis gratiam ;
O Maria gloriosa,
In caelis deliciosa,

Praesta nobis gloriam.