177. De beata Maria V.

1. Vale, virgo florens rosa,
Semper recens et formosa,
Super omnes speciosa

Et multum amabilis ;
Tu es enim gratiosa,
Tu es mater gloriosa,
Stirpe David generosa,
Semper venerabilis.

2. Salve, domina angelorum,
Venustate fluens morum,
Tu es flos cuuctorum floram,

Tu es candens lilium;
Tu es mater supernorum,
Sola spes inferiorum
Es virtute meritorum,

Tu es mater omnium.

3. Deum, quem tu genuisti,
Casta mente concepisti,
Hunc portare tu fuisti

Digna et non alia.
Tu es vere mater Christi,
Per hunc mundum redemisti,
Prophetias implevisti,

Ave, plena gratia.

4. Regina caeli es vocata,
Ab aeterno ordinata
Et a summo confirmata,

Tu es nostram gaudium;
Tu es nostra advocata,
Sancta et immaculata,
In utero sanctificata,
Tu es lumen luminum.

5. Qui te honorant, honoratos,
Qui te exspectant, exspectabis
Et a malo conservabis

Voluntate libera;
Qui te amant, hos amabis
Et a poena liberabis
Et regnum aeternum dabis

Potestate tradita.

6. Iesu Christe, ob honorem
Tuae matris et amorem
Da nobis contritionem,

Nobis peccatoribus,
Post cordis compunctionem
Et oris confessionem
Da nobis absolutionem

De peccatis omnibus.

7. Te precamur, o Maria,
Duc nos tua prece pia,
Qui erramus in hac via,

Ad aeterna gaudia;
Amen dicant omnia,
Caeli, terra, maria
Nunc et per infinita
Saeculorum saecula.