184. De beata Maria V.

Virgo, Dei genetrix, rosa, lilia, fons paradisus,
Vitis, oliva, rubus, tellus, via, virgula, truncus,
Hortus, castellum, thalamus, domus, alvear, arca,
Vas, mortariolum, fornax conflans scriniumque,
5. Orarium, templum, clibanus, cisterna, fenestra,
Urbs et fiscella, thronus, ancora, ianua, petra.
Ancillans, dominans, regnans est femina fortis,
Phoebo vestita, vellus, turturque columba,
Nubes, aurora, crystallus stellaque viva,

10. Sol, speculum, mons, desertum, patrona, magistra,
Sponsa, volans aquila, bona fructibus arbor onusta.
Cum peperit virgo Christum, qui pascit inanem,
Terra, solum vel humus, virgo est, glis, arida tellus.
Credit et assentit, optat, mox concipit alma

15. Virgo virum plenum, quem colit ipsa Deum.
Stella maris, regina poli, miseratio mundi,
Vim patitur caelum, quo tentit navita velum,
Ex quo iustitiae solem tulit aula Mariae,
Perque maris stellam scimus vitare procellam,

20. Protulit et florem, folium fructusque saporem,
Virgaque sicca nucem, virgo parit innuba lucem.
Tu fons signatus, tu clausula clausaque porta,
Tu Domini templum, tu sedes flaminis almi,
Tu rosa de spina, tu nobilis indole bina

25. Virginis et matris, genetrix et filia patris.
Exstas stella Iacob et matutina Maria,

Stella maris, contra Sisaram perfulgida pugnans,
Esto fide rutilans almae de semine stellae,
Cursu non errans, non cauda tracta draconis,
30. Praevia stella magis, sacer et dux atque sacerdos;
Mater virgo pia, nobis succurre, Maria.