189. De l)eata Maria V.

Virgo salutata Gabrielis voce beata,
Caelitus adfata, maris inclita stella vocata,
Per tibi collata bona nuntia sis mihi grata.
Ecclesiae florem produxisti sine spina,
Mentibus ardorem fidei dans es medicina.
Virgineum fructum de te laudo generatum,
Excutias luctum, quo sentio me gravidatum.
Partus labe carens, divino munere clarens,
Purgata mente me salvat te faciente.
Tu salvatoris, gladio transfixa doloris,
Carne sub humana precantis vulnera sana.
Christo surgente nova gaudia te capiente,
Sis Dominum, pura virgo, pro me petitura.