EXPOSITIO TEXTUS.

Sic enim ut Theologia, etc.

Hic probat quaedam quae dixerat, quod scilicet non omni sunt aequaliter sacramenta communicanda : et est Tatio sua talis: Iste qui est principium totius hierarchiae, dissimiliter distribuit proprium lumen his qui non sunt aequaliter dispositi : secundum capacitatem enim hominibus et Angelis distribuit : ergo similiter Pontifex his qui non sunt aequaliter dispositi secundum voluntatem, non aequaliter debet sacramenta praebere.

Littera sic construatur : Enim, id est, quia, ut Theologia, id est, sacra Scrip. tura, tradidit nobis discentibus ab ipsa, id est, modum quo non sunt omnibus aequaliter sacra exponenda, et ipse Jesus secundum humanitatem, animus, id est, intellectus, divinissimus, id est, supra modum omnis creaturae divini luminis particeps, ut etiam Angeli ab ipso recipiant, et superessentialis ratione divinitatis quae intus est, principium omnis Me-

que lucem adspicientes, sacro, quoad intueri fas est, ritu speculantes, visionum etiam, juxta mysticam scientiam, illustrati cognitione, consecrati ac consecrantes, luciformes ac deifici, perfecti ac perfectores evadere poterimus.

rarchiae angelicae, et humanae, quantum ad ipsos gradus potestatis, et sanctificationis, quoad dona depurantia, et confirmantia, quibus gradus distribuuntur, et deificationis, quantum ad consummationem reductionis :in Deum : et ipse dico essentia, id est, omnis essentiae causa, ei virtus divinissima, effective, significantius, id est, expressius, simul et intellectualius, quia simplicius illucet in essentiis beatis et nostrum melioribus, id est, nobis scilicet et Angelis, et assimilat eas ad proprium suum lumen, non per aequalitatem, sed secundum virtutem, id est, proportionem ipsarum, quia et complicat, id est, adunat, multas alteritates nostras, id est, intellectus nostros non firmiter stantes in uno, sed nutantes ad. diversa : " non enim alteritates nomi-" nat multiformes carnalium voluptatum " curas, " ut dicit Commentator : has enim non complicat in se, sed abjicit. Non tamen quorumlibet nostrum, sed extentorum ad se, id. est, qui porrigunt se ipsi, praeparantes se ad gratiam : et hoc fit, amore bono, id est, bonorum, extendente, id est, elevante nos ad ipsum : et ipse spiritus consummans, id est, perficiens alteritates nostras in uniformem et divinam vitam, quae participatione divinorum ad divinam unitatem accedit, ei similiter uniformem habitum et actionem, donat nobis sanctam et pulchram, id est, decenter ordinatam, virtutem divinae sacer dot alitalis, id est, quae a Deo, et circa divina est, non per essentiam, quia sic est in solis sacerdotibus, sed per participationem, prout aliquid ejus participatur ab intelligentibus. Tripliciter autem perficitur anima, secundum essentiam, et sic est vita ex influentia gratiae

in animam a Deo. Perficitur etiam secundum potentias, et quantum ad hoc dixit habitum quo aliquis operatur, cum tempus fuerit secundum Augustinum. Perficitur etiam in opere, et quantum ad hoc dixit actionem.Deinde venientes (dante gratia) in operationem divini sacerdotii, vel per essentiam, vel per participationem, nos quidem efficimur propius quam prius eramus secundum virtutem nostram similitudini collocationis, id est, ordinis earum essentiarum quae sunt super nos, scilicet Angelorum. Collocationis dico, sacrae, manentis et immutabilis : licet enim in sacrorum receptione removentur, semper tamen in eodem ordinis gradu persistunt, ut alibi explanatum est, et ex hac similitudine tamquam non sistentes in ea, sed respicientes ut in primum principium et ultimum consummationis finem, ad beatam Jesu, quantum ad naturam humanam, et divinam, claritatem ipsius, quantum ad divinam, et etiam illuminati, id est, instructi sacre, id est, secundum mensuram fidei explorantes, id est, inquirentes de divinis, quaecumque possibile est nobis videre, et etiam disciplina, id est, scientia, mystica, id est, figuris velata, et hoc speculationibus sacrae scientiae, poterimus fieri consecrati, id est, purgati, quantum ad similitudinem doni, et consecrantes, quantum ad consortium potestatis, luciformes, id est, illuminati, et deifici, idest, illuminantes, et hoc propter similitudinem nominis : quia AdminBookmark dicitur a videre, et sic propin-

quat sanctificationibus luminis, et quantum ad incommunicantiam rei, quia omnia ista sunt divinae scientiae assumptio, ut in septimo capitulo praecedentis hierarchiae dicit : et ideo tota deificatio per- ficitur per illuminationem secundum subjectum : et etiam perfecti et perfectiores.