B. DUBIUM.

1. Sed videtur, .quod baptismus non debeat dici specialiter illuminatio : omnis enim gratia illuminat: omne sacramentum novae legis confert gratiam : ergo omnia illuminant, et non hoc solum.

2. Praeterea, Philosophus dicit, quod. e oculi animalium ultimo complentur, qui sunt susceptivi lucis : " sed hoc sacramentum est primum : ergo debet dici illuminatio.

3 Praetere, Hoc sacramentum dat esse. .spirituale, ut supra habitum est : sed anima labet.esse animal a tactu, non a visu, iste enim s.ensus est necessarius animali: ergo potius huic sacramen-

to nomen debet imponi ex eo quod convenit tactui, quam ex eo quod convenit visui.

Solutio. Dicendum ad primum, quod ordo est in sacramentis sicut in virtutibus : sicut enim fides prima est virtus, et actus ejus primus in accedendo ad Deum: ita et baptismus, cum sit sacramentum fidei, in quo scilicet datur fides, habet proprie illuminare, et primo propter fidem cui convenit ratio luminis : et ideo specialiter dicitur sacramentum illuminationis, quamvis omnia illuminent.

Ad aliud dicendum, quod aliter est processus in perfectione quae suscipitur ab extrinseco, et in perfectione quae consequitur naturam rei: quoniam in illis primum est essentia, et ab hac fluit potentia, et ex hac procedit actio : in perfectionibus autem quae sunt ab extrinseco, oportet incipere ab.actione, quia primum est objectum quod infert actionem, et per actionem perficitur potentia, et per potentiam essentia : sicut etiam dicimus, quod quandoque est motus ab anima, et quandoque ad animam. Perfectio autem quae acquiritur in sacramentis, est ab extrinseco : et ideo primum est actio, et post hanc potentia, et post essentia perfectionis particeps. Oportet autem ut recipiens extendat se in id a quo recipit perfectionem : primum autem dirigens est lumen : et propter hoc primum sacramentum quod dat esse spirituale, debet denominari a lumine, quamvis hoc sit ultimum in generatione naturali. Et similiter dicendum ad tertium.

4