BALTH. CORDERII, S. J. INERPRETATIO.

Age jam deinceps, quoniam exteriorem ritus vere pulchri venustatem adspeximus, diviniorem ejus pulchritudinem intueamur, eamque sublatis velaminibus per se contemplemur, clare suum jubar illud beatum evibrantem, nosque illa, quae viris spiritalibus explorata est, odoris fragrantia replentem. Neque enmi adspectabilis unguenti confectio iis qui pontifici praesto sunt incommunicabilis aut inadspectabilis exsistit, sed e diverso, dum ad ipsos usque pertendit, ac sistit eam quae vulgi captum superat contemplationem, ab iisdem reverenter obtegitur, et a turba pontificio jure secernitur. Siquidem ille radius rerum sacratissimarum dum viris divinis, tamquam intelligentibus, pure atque immediate collucet, et conceptus eorum spiritales bono palam imbuit odore, ad id quod humi serpit nequaquam similiter procedit, sed ab ipsis, utpote arcanis spiritalis rei spectatoribus, sine ostensione, ne a dissimilibus quibusque violetur, pennatis involucris obducitur, quibus, ceu sacris signis, praeclari or-

natis aenigmatibus cooperitur, per quae sacra aenigmata subjectorum bene ornati ordines reducuntur ad sacram suam analogiam.

Est ergo, quod quidem dixeram, nunc laudanda nobis sacra teletae operatio consummativae . hierarchicorum ordinationis et virtutis.