EXPOSITIO TEXTUS.

Littera sic construatur : Diximus, quod Dei est voluntas salus nostra, et essentiarum quae supra nos sunt, quae non potest esse nisi per deificationem, quae est assimilatio ad Deum. Autem, id est, sed omni hierarchiae tam angelicae quam humanae, hoc summum, id est, ultimum, ad quod ascendunt tamquam ad finem, est commune, scilicet dilectio attenta, id est attentum reddens ad Deum secundum substantiam, et divina, id est, attributa ejus : quia amor velut ignis acutus est penetrans omnes partes, et differentias amati perquirens. Dilectio, dico, sacrificata, id est, " sacrificans " sic enim habet alia translatio) hominem Deo, divinitus quantum ad principium a quo est, et potenter quantum ad habitum, quo virtuose fit conversio in Deum, sonat enim hic potenter potestatem perfectam habitus, et non impotentiam imperfectam : et ante haec, scilicet dilectionem vel sacrificium, quod est ultimum, est perfecta, quantum ad terminum a quo, secundum quod nihil remanet de contrario, et inconvertibilis, secundum quod firmiter stat in ter-

mino ad quem, reverosi ad Deum, eorum contrariis, scilicet oppositis saltem ut privatio, sicut confusio dissimilitudinis, et hoc dicitur quantum ad purgationem quae est una actionum quibus devenitur ad illud commune ultimum, et itcrum quantum ad illuminationem est cognitio eorum quae sunt, scilicet pertinentium ad hierarchicos actus, quae scilicet cognitio, est ea quae sunt, scilicet de quibus est secundum actum, et visio et scientia intellectualis veritatis in se, ad quam per hierarchiam ducimur, et visio dicitur quantum ad prima quae sunt per modum conclusionis, et iterum quantum ad perfectionem est divina participa-tio consumnaiionis , id est, perfectionis, uniformis, id est, per quam in similitudinem virtutis constituitur, et hoc quantum ad acceptionem donorum, et refectio contemplationis, id est, quae est ex contemplatione ipsius unius, scilicet Dei, quantum possibile nobis, et hoc quantum ad delectationem quae est per convenientiam accepti. Refectio, dico, nutriens invisibiliter, id est, invisibili nutrimento : invisibili, dico, secundum corporalem visum quantum ad. unionem quae unit nos Deo, et deificam omnem extentum, scilicet propter praeparationem, in se, scilicet Deum, quantum ad perfectam illuminationem.

8