BALTH. CORDERII, S. J. INTERPRETATIO.

Propositaque divine vivendi norma, nec non interrogato num ex ea victurus esset, assentienti manum capiti imponit, et consignans eum, sacerdotibus mandat, ut virum susceptoremque describant.

Quibus adscriptis, sacram infit precationem : qua una cum ipso ab universa congregatione completa, illum discingit, et per ministros exuit.

Sistens exinde ipsum ad occidentem prospectantem,manusque versus illam plagam aversas protrudentem, tertio Satanam insufflare jubet, atque insuper abrenuntiationis verba proferre ; eique ter abrenuntiationis solemnibus verbis propositis, cum eamdem toties conceptis verbis pronuntiavit, ipsum ad orientem transfert, et in caelum intuentem, manusque attollentem, Christo cunctisque sacris a Deo traditis eloquiis jubet assentire.

Eo vero et hoc faciente, testatur iterum ei ter confessionem : et iterum ipso ter confitente, orans benedicit et manum imponit. Et ad summum exuentibus eum ministris, afferunt quidem sacerdotes unctionis sacrum oleum. Ipse autem unctionem per signationem ter incipiens, caeterum sacerdotibus virum ungere omni corpore tradens : ipse ad matrem filiolitatis venit.

D. Et tunc aquam sacris invocationibus sanctificans, et tribus sanctissimi chrismatis cruciformibus effusionibus perficiens illam, et chrismatis sanctissimis immissionibus aequali numero sacrum Deo aceeptabilium Prophetarum inspirationis melodema consonans, jubet virum afferri ; et quodam sacerdote ex descriptione ipsum et anadochum praedicante, ipse quidem a sacerdotibus ad aquam ducitur ad summi sacerdotis manum, et ad eum manuductus ipse summus sacerdos desuper stans, reclamantibus iterum ad summum sacerdotem juxta aquam nomen perficiendi sacerdotibus, ter quidem ipsum summus sacerdos baptizat tribus perficiendi dimensionibus et emersionibus, trinam divinae beatitudinis invocans substantiam Accipientes autem eum sacerdotes porrigunt accessionis et anadocho et duci, et cum ipso accipientes vestimenta perficiendorum, adunatum ad summum sacerdotem iterum reducunt. Ipse vero deificantissimo unguento virum signans, participem manifestat de caetero sacrae perfectissimae Eucharistiae,

Haec autem perficiens, ab ipsa in sequentia processione, iterum ad primorum extenditur contemplationem, quasi per nullum tempus aut modum in alieno quodam praeter propria con-

Quo facto, trinam illi denuo praecipit professionem, tertioque professum benedicendo recipit, eique manum imponit. Dum vero ministri penitus eum exuunt, sacrum unctionis oleum afferunt sacerdotes. Pontifex vero trino signaculo inchoans unctionem, sacerdotibus hominem tradit toto corpore inungendum ; ipse autem ad adoptionis matrem (id est fontem) vadit ; cujus aquas postquam sacris invocationibus sanctificavit, nec non tribus sacratissimi unguenti crucis forma affusionibus, totidem sacri unguenti appositionibus sacrosanctum Deo afflatorum prophetarum divinae adspirationis hymnum concinendo, consecravit, adduci virum jubet ; ac sacerdote quopiam e scripto cum ipsum tum susceptorem proclamante, initiandus sacerdotum manibus in aquam ducitur ad manum pontificis : qui superne adstans,ubi sacerdotes secundum aquas, versus pontificem initiandi nomen proclamarunt, ter eum immergit, sub lernam istam immersionem atque emersionem tres divinae beatitudinis Personas invocando. Tunc excipientes eum caeteri sacerdotes, tradunt susceptori seu admissionis auctori, et ubi una cum eo initiatum veste congrua amiciverunt, rursus illum ad pontificem ducunt ; qui, divinitus sacrato oleo virum consignans, sacrosanctae Eucharistiae participem declarat.

His rite peractis, a suo ad secunda progressu, ad rerum iterum praecipuarum exigitur contemplationem, ne ullo tempore vel modo quidpiam a suis institutis tractet alienum, sed assidue versaturus, sed a divinis in divina attendens, et semper divino Spiritu transordinandus.