A. dubium.

Circa primum est dubium.

1. Videtur enim, quod baptizandum non debuerit introducere praedicando : officia enim praedicandi et baptizandi

sunt distincta : unde dicit Apostolus I ad Corinth. I, 17 : Non enim misit me Christus baptizare, sed evangelizare : ergo non videtur ad eumdem pertinere. 2. Praeterea, Baptizare est opus Dei, praedicare autem opus hominis : possum enim dicere, Evangelium meum, sed non possum dicere, baptismus meus, sed baptismus Christi : ergo non videtur ejusdem esse baptizare et praedicare. 3. Praeterea, Cum in principio mundi Spiritus Dei ferebatur super aquas (Gen. I, 2), quod est figura baptismi, videtur quod praedicationem suam debebat incipere invitans ad baptismum ab initio mundi, sicut etiam in sabbato sancto fit quando est solemnis baptismus,et non ab incarnatione Christi. 4. Praeterea, Per alia sacramenta aliquis perfectius unitur Christo quam per baptismum : ergo haec unio non debebat attribui baptismo.

Solutio. Dicendum ad primum, quod baptismus et praedicatio conveniunt in relatione ad unum principium a quo descendunt: sicut enim jurisdictio baptizandi descendit a Pontifice in alios, ita et praedicatio, sicut dicitur ad Hom. x, 15 : Quomodo praedicabunt nisi mittantur ? Unde ponendo utrumque officium circa unam personam summ) Pontificis, est interitio sua ostendere, quod utrumque descendat ab ipso, non quod per diversos exerceri non possint. Conjunguntur autem simul : quia cum baptismus consistat in operatione, praeexigit praedicationem, vel per ipsum, vel per alium factam, quae est illuminans et dirigens ad baptismi exsecutionem.

Ad secundum dicendum, quod licet baptizare intrinsecus sit opus Dei, tamen agitur ministerio hominum exterius operantium.

Ad tertium dicendum, quod baptismus non habuit virtutem nisi a tempore incarnationis Christi, qui tactu suae mundissimae carnis, virtutem regenerativam contulit, aliquid licet fuerit in aqua (sci- licet aptitudo recipiendi talem virtutem) ab initio mundi.

Ad quartum dicendum, quod baptismus est principium uniens, cum sit fundamentum aliorum, ut dictum est: et Ideo unio ad. Christum, specialiter attribuitur baptismo.