EXPOSITIO TEXTUS.

Tanta, o puer, etc.

Deinde recapitulat dicens, quod ea quae dicta sunt, sunt spirituales contemplationes nostrae hierarchiae : sed ab aliis qui intentius considerant, subtiliora videntur : et credit etiam eum per haec quae ei tradidit, quasi quibusdam gradibus posse pertingere ad altiora, quibus habitis petit ea sibi tradi, sicut et ipse tradidit ei, quae tempore videre potuit : et confidit,

collucebunt, si iis gradibus, quos dixi, ad sublimiorem radium conscendas. Communica igitur et tu mihi perfectiorem illustrationem, meisque oculis exhibe praestantiores formas, quae unius speciem magis exprimant : confido enim, me iis, quae commemorata sunt, insitas tibi divini ignis scintillas excitaturum.

quod per ea quae dieta sunt, accendet divini amoris ignem in ipso repositum, quo elevabitur ad sublimiorem contemplationem.

Tanta, id est, tam alta, vel tot, sic bona, id est, tam utilia ad sursum ducendum sancta convenientia, o puer, scilicet quia minister Christi, vel propter vitae puritatem, vel quia discipulus ejus erat : hierarchiae, id est, teletarum ejus, uniformia spectacula, idest, contemplationes reducentes in unum : intentius animo, id est, qui magis intenti divinis fuerunt : hoc causa humilitatis dicit. Formae, id .est, spiritualia signata, ductis, id est, gradibus, his scilicet : quae a me sunt dicta tibi : quia ego ero accendens te usque ad vapores divini ignis, scilicet amoris, repositos in te, id est, quousque divinus amor in te repositus ascendere te faciet per modum vaporis ad divina. Alia translatio, " accendam scintillas, " quarum similiter est evolare sursum.