EXPOSITIO TEXTUS.

Characteribus, id est, symbolis, et dispositionibus quantum ad actiones : quia utrobique fit velatio et thurificatio.

Et summum quidem sacerdotem, etc. Hic ponit significationem eorum in quibus convenit cum communione, et primo ponit significatum thurificationis, secundo, cantuum et lectionum, ibi, Desiderio autem, etc. Tertio, exclusionis imperfectorum, ibi, Quid autem ? Nonne et non omnino, etc.

Dicit ergo primo, quod ordinatum est, quod summus sacerdos in hoc sacramento sicut in communione procedat ab altari per totum chorum, thurificet, et iterum revertatur ad altare : in quo docetur, quod divina bonitas participat se omnibus secundum eorum dignitatem : ipsa tamen in se stat incommutabilis et indiminuta, firmiter stans in sua proprietate, sicut dictum est in explicatione Ecclesiasticae communionis.

Ipsis adspectibus, id est, omnibus adspicienti bus ex diviniore loco, scilicet altari bonam suaveolentiam, id est, thus, in ea quae deinde sunt sancta, etc, id est, in chorum, ad se revolutione, id est, secundum quod revertitur ad id a quo primo processerat : aequalitate, quia nec major fit nec minor, secundum collocationem, id est, firmitatem.

Desiderio autem, eia. Hic exponit theoriam cantuum et lectionum, et primo ostendit ad quid valeant in omnibus. Secundo qualiter diversimode in diversis operantur secundum tres operationes hierarchicas, quae sunt illuminare, purgare, et perficere, ibi, His autem in intellectum, etc.

Dicit ergo primo, quod hi cantus quasi obstetricando praeparant catechumenos ad baptismum, et energumenos convertunt ab interiori pollutione, quae est secundum quod adhuc ex toto non est repressa vis daemonis in fomite, et quod in libidinosis quos supra dixit apostatas, auferunt dispositionem contrariam gratiae, ostendentes eis altissimum deiformis habitus et virtutis, secundum quam ipsi cantus vincent virtutes daemonum, et praestabunt victoriam contra impugnationes daemonum : et non solum habent in se unde terreant daemones, sed in hoc etiam aliis praestabunt.

Desiderio eloquiorum, idest, devotio excitatur per cantus, et lectiones circa sacram Scripturam : imperfectos, id est, catechumenos erudiunt, id est, obstetricante Commentator AdminBookmark (quod interpres erudiunt transtulit) est educere nasciturum : in eo enim obstetrix interpreAd viviferam filiolit atem, id est, ad regenerationem baptismi, in quo confertur spiritualis vita, energumenum, id est, energumenorum pollute, id est, qui sunt polluti : contrariam dispositionem, vel qualemcumque contractam, id est,

sive ex origine, sive ex proprio actu, energumenis, id est, libidinosis, insane secundum quod concupiscentia insanire facit, abstrahendo rationem, ostendentes scilicet cantus, eis scilicet libidinosis. Juxta quam, scilicet virtutem, ipsi scilicet cantus terrebunt contrarias virtutes, id est, daemones, divina imitatione, id est, sicut Deus facit, habentes immobile, id est, immobilem virtutem, ipsi cantus ex propriis bonis, quae scilicet in. eis dicuntur : vero, id est, sed non habentes tantum activum ad, id est, contra contrarios tumultus hostium, sed et donantes aliis, habent enim per significationem et dant per devotionem : quoniam excitat ipsos cantus. Vel aliter juxta quam ipsi divini viri, etc. Et hoc consonat ei quod dictum est in tractatu communionis.

His autem, etc. Hic ostendit quomodo lectiones et cantus operantur tres actus hierarchicos in diversis, et primo de purgatione, secundo de illuminatione, ibi, Quosdam sacros, etc. Tertio de perfectione, ibi, Reficiunt autem, etc.

Dicit ergo quod his qui transeunt ex malis in intellectum divinorum, imponunt cantus habitum, quo confirmentur in bono, ut non revertantur iterum ad malitiam, sicut catechumenis : et quosdam qui non sunt ex. toto purgati (sicut energumenD perfecte mundant, quantum ad purgationem : quosdam autem jam perfecte mundatos per baptismum, ducunt ad videndum symbola sacramentorum, et contemplandum significata eorum et communicandum eis, et hoc quantum ad illuminationem : quosdam autem, scilicet jam perfectos, reficiunt per sacras contemplationes, perficiendo eos in uno primo, quod est Deus, per perfectam reductionem, quantum ad perfectionem.

Ex pessimis scilicet infidelitate positis, id est, catechumenos : quosdam, id est, energumenos, indigentes , ut sint castissimi, id est, mundissimi, quia nondum sunt ex toto mundati a fomite, absolvunt, ut per hoc sint castissimi. Alia translatio, " Illos autem, qui non sunt omnino " casti, perfecte mundant, "

Sacros, id est, baptizatos : imagines, id est, symbola : inspectiones, id est, spirituales contemplationes.

Quosdam, id est, perfectos sacratissime : alia translatio " sanctissimos : " uniforme, id est, mentem quae uno nata est informari, uno, scilicet Deo.

Quid autem, etc. Hic tangit exclusionem imperfectorum.

Dicit ergo, quod haec teleta excludit imperfectos sicut et communio, propter hoc quod ab imperfectis videtur solum in imaginibus, id est, symbolis, videns, id est, videre faciens. Alia translatio, " visa, " quantum ad imperfectos, inspecta communiter quantum ad omnes, et sacrificat a, id est, consecrata quantum ad sacerdotes, hierarchicis anagogis, ab obtutibus divinis, id est, his qui habent divinum visum, et a solis sacratissimis viris immediate, id est, sine velamine inspecta.

6