EXPOSITIO TEXTUS.

Deinde vero, etc.

Hic ostendit quid significent vestimenta alba, quia luciformem vitam, et est quintum.

Dicit ergo : Deinde vero, id est, post baptismum induunt sacerdotes consummatum, id est, baptizatum lucif ormia, id est, alba vestimenta, in albo enim est copia lucis. Enim, id est, quia inornatum, id est, qui prius non erat ornatus, ornatur, et informe prius formificatur virili, id est, constanti et deiformi impassibilitate contrariorum, id est, a contrariis, scilicet peccatis, et firmo contuitu intellectus ad unum, scilicet Deum : ipsum, dico, universaliter, id est secundum omnes suos actus splendens luciformi vita, id est, lucenti.

gnoscendum iis qui secundum mentem sancta et deifica divini Spiritus communione digni sunt habiti. Demum omnibus peractis, eum qui initiatus est ad sanctissimam Eucharistiam vocat, et mysteriorum perficiendi vim habentium communionem illi tradit.

Unguenti autem. Hic ostendit quid significet unctio Chrismatis, quia adunationem ad divinum Spiritum, propter odorem balsami : odor enim suavis attrahit spiritum ad se, et est sextum.

Dicit ergo : Unctio unguenti, id est, Chrismatis perfectiva, id est, conservativa facit perfectum, id est, baptizatum, odoriferum propter balsamum. Sacra enim consummatio divinae generationis coadunat consummata, id est, perfecta divino spiritu, sicut bonus odor adunativus est sui ad trahentem : sed cognoscere intellectualiter adventum invisibiliter, id est, insensibiliter, odorificum et existentem ineffabiliter, id est, cognoscere qualiter iste spiritualis odor adveniat in hominem, quod est insensibiliter, et qualiter existat in eo quod est ineffabiliter, ego concedo solis dignis sacra et deifica communicatione divini spiritus secundum intellectum, " spiritualibus spiritua-"lia comparantes, " ut dicit Apostolus I ad Corinth. ii, 13.

Summus autem sacerdos in fine omnium, id est, omnibus completis, vocat perfectum, id est, baptizatum ad sacratissimam Eucharistiam, et tradit ei communionem perfectivorum mysteriotum, et hoc est septimum. Jam non ponit rationem : quia pertinet ad sequens capitulum.