BALTEI. CORDERII, S. J. INTERPRETATIO.

De iis quae in illuminatione seu baptismo peraguntur.

SYNOPSIS CAPITIS:

Prima parte capitis ostendit, quo ordine perveniatur ad vitae sanctitatem, et quomodo . baptismus sit quaedam nativitas spiritalis, atque principium operum supernaturalium, et simul monet, solos sanctos ad sacramentorum adspectum esse admittendos.

Secunda parte describit solemnem ritum baptizandi, qui sic habet :

I. Pontifex sacara promulgat Evangelia.

II. Religionis amator patrinum seu susceptorem quaerit, a quo instructus ad episcopum adducitur.

III. Hic benigne ipsum excipit.

IV. Clerum convocat ad agendas Deo gratias, et a patrino adductum solemni formula in- terrogat. V. Infidelitatem detestanti manum imponit, et inscribi jubet. VI. Facta precatione baptizandus exuitur, et fiunt insufflationes. VII. Fit solemnis professio fidei, et baptizatur. VIII. Veste candida amictus traditur susceptori, et sacrae communionis particeps efficitur.

Tertia parte subjungit contemplationem, in qua

I. Ostendit, ritum hunc esse sanctum. II. Caeremonias istas signare gratiam spiritalem.

III. Deum gratiam suam omnibus communicare.

IV. Exponit, quo ordine perveniatur ad perfectionem.

V. Quid sibi velit adductio et inscriptio baptizandi, quid item abrenuntiatio, YI. Quid ad Orientem traductio,

VII. Quid unctio.

VIII. Quid in aquam immersio et emersio. IX. Quid candidum vestimentum,

X. Quid unctio finalis.

XI. Quid communio.

1