DIVISIO ET EXPOSITIO TEXTUS.

Summus quidem sacerdos, etc.

Hic ponit ritum consecrationis trium praedictorum ordinum, et hoc primo : deinde ponit id quod est commune omnibus, ibi, Unicuique aulem eorum, etc.

Prima pars dividitur in tros : primo enim ponit consecrationem Episcopi. Secundo, sacerdotis, ibi, Sacerdos autem, .etc. Tertio, diaconi, ibi, Minister vero, etc,

Dicit ergo primo, quod ille qui debet consecrari in Episcopum, genuflectit utroque genu ante altare, et tenet supra caput libros sacrae Scripturae, et imponitur supra caput ejus manus Episcopi consecrantis ipsum, et dicuntur super ipsum quaedam orationes ab alio Episcopo qui consecrat ipsum, et sic completur sua consecratio.

Ad hierarchicam consummationem, id crante pontifice imprimitur, et singulis sancto praedicatio perficiens que salutatio adhibetur, cunctis praesentibus ecclesiasticis, una cum pontifice consecrante, consalutantibus illum qui in aliquem dictorum ordinum sacrorum est cooptatus.

est, ut consecretur in hierarcham : utroque pede, id est, utrumque genu figens in terra : eloquia, id est, Bibliam vel Evangelia : manum hierarchicam, id est, Episcopi qui debet eum consecrare : invocationibus, id est, orationibus, consummatur, id est, consecratur.

Deinde dicit, quod ille qui est consecrandus in sacerdotem, genuflectit utroque genu ante altare, et imponitur sibi manus ab Episcopo, et sic quibusdam orationibus dictis supra eum consecratur. Diaconus vero similiter, nisi quod flectit tantum unum genu ante altare.

Et invocationibus, id est, orationibus : consummativus ministrantium, id est, quibus consecrantur diaconi.

Deinde dicit, quod cuilibet horum trium in consecratione est commune, quod signantur signo crucis, et quod recitantur ab Episcopo ex nomine, quod ad talem ordinem assumantur, et quod osculantur omnes sauctos qui sunt praesentes, et quod quilibet, eorum ab Episcopo consecratur.

Signaculum cruciforme, id est, in modum crucis : praedicatio ex nomine, quia Episcopus dicebat : " Eligitur ille de " sacerdotibus in Episcopum, divina " eum praeveniente gratia, " et similiter de aliis.

Salutatio, id est, osculatio.

Et hic erat ritus consecrationis in primativa Ecclesia : unus enim Episcopus poterat Episcopum consecrare.

21