DUBIUM.

Sed videtur, quod baptismus non debeat fieri in aqua, sed magis in aliis liquoribus.

1. In baptismo enim non solum aufertur peccatum, sed etiam confertur gratia : sacramentum autem significat quod efficit, aqua autem cum non adhaereat corpori, sed tantum purget sordes, non significat aliquam collationem gratiae, sed tantam purgationem a culpa : ergo convenientius fieret in oleo quod adhaeret corpori, vel in aliquo alio liquore.

2. Praeterea, Videtur quod in omnibus speciebus aquae possit fieri baptismus : aquae enim non competit baptismus secundum quod est quoddam commune,sed secundum esse quod habet in natura, quia secundum hoc habet proprietates significantes effectum baptismi : secundum esse autem quod habet in natura, est in speciebus suis : ergo aquae secundum species suas competit baptismus : sed cum lixivium et vinum sint species aquae secundum Philosophum., videtur quod in eis possit fieri baptismus.

3. Praeterea, Sicut dicit Philosophus in libro de Generatione,a Species simpli" cium elementorum manent in mixtis : " ergo videtur, quod in aqua secundum quod est in corpore mixto, possit fieri baptismus.

4. Item, Videtur quod in cervisia et in aquis permutatis per artem : ars enim non dat formam substantialem , quia for-

ma artis accidens est : ergo non mutatur aqua a specie sua : ergo in ea potest fieri baptismus.

Solutio. Dicimus, quod aqua maxime competit baptismo inter alios liquores, et hoc propter tria : aqua enim est communis, et ideo communis materia debet respondere sacramento necessitatis, ne propter defectum materiae aliquis privetur salute quae est per baptismum. Secundo, quia alii liquores propter hoc quod adhaerent corpori, non simpliciter mundant, sed tingunt : unde non ita congrue significant interiorem mundationem.Tertio, primum mundans est aqua, etsi enim aliqua mundent, habent hoc secundum quod participant aliquid aquae.

Ad primum ergo dicendum, quod effectus non est de essentia ejus : effectus autem baptismum consequens est consecutio gratiae : unde non debet esse in Sacramento baptismi adhaesio prius consecutioni gratiae. Vel dicendum, quod aqua per hoc quod abluit, facit etiam nitere, et illi nitori respondet collectio virtutum in re sacramenti.

Ad id quod ulterius quaeritur, dicendum quod sciendum, quod in omnibus speciebus in quibus manet aqua secundum suum effectum, scilicet cum Impetu infrigidandi, mundandi et fluendi, potest fieri baptismus : unde in quibusdam aquis alchimicis, quae per effectum manifestantur alterius esse speciei, quia convertunt metalla, quod non est effectus aquae, et si non. moveantur,stant et non fluunt, non potest fieri baptismus. Et similiter in vino et oleo, quia non manet effectus mundandi.Sed in aqua calida potest, quia licet per violentiam sit in contraria dispositione, manet tamen naturalis virtus ad infrigidandum. Et ideo dicimus, quod in aqua secundum quod est in mixto, ut in oleo, vel vino, non potest fieri baptismus : quia licet maneat in mixto secundum primum esse quod est a forma substantiali, non tamen manet secundum quod est in esse perfecto prout est activum et passivum, quia qualitates permiscentur, et efficitur alia qualitas media. Et similiter etiam non potest fieri in aquis permutatis per artem, si non remaneant effectus, sicut in cervisia : licet enim ars agens instrumento artis quod est istud cujus est principium voluntas, ut dolabrum, non possit mutare species naturaliter, tamen cum agit per instrumentum naturale, ut per ignem, potest fieri transmutatio speciei. Et per hoc patet solutio ad totum.