DIVISIO ET EXPOSITIO TEXTUS.

A. Ipsa igitur introductiva, etc.

In parte ista ponit theoriam propositi ritus in consecratione Chrismatis, et dividit in partes duas. In prima parte assignat theoriam propositi ritus in communi. In secunda descendit ad partes ipsius ritus, ibi (sig. 4), Fer eia reliquum, etc.

Circa primum tria facit. Primo namque assignat theoriam. Secundo inducit quoddam exemplum ad manifestationem eorum quae dixerat, ibi, Et sicut in sensibilibus, etc. Tertio adaptat ad propositum, ibi, Sic immundus in animo, etc.

Circa primum, iterum primo ponit theoriam, secundo assignat rationem cujusdam quod dixerat, ibi, Mundae enim sunt Dei secretae, etc.

Primo ergo dicit, quod ex hoc quod agitur circa chrisma quantum ad ejus occultationem ab aliis duodecim, significatur per anagogen, id est, sursum ducentem contemplationem, quod interior gratia bene redolens, quae significatur per chrisma, propter odorem balsami

vulgo passim inaequaliter apparet, numquam convertitur, in veris suis imaginibus exprimens veritatem.

quod in ipso admiscetur, occultatur in animo a sanctis viris : hoc enim praecipitur sanctis viris, quod gratiarum dona, quae sunt similitudines divinae bonitatis suaviter redolentes, non manifestent ad vanam gloriam.

Igitur ex quo chrisma sic velatur, ipsa anagoge, id est, contemplatio sursum ductiva hujus sanctificationis, id est, ritus qui est in sanctificatione chrismatis, introductiva consummativae, id est, quae introducitur ad. consummationem in aliis sacramentis, declarat, etc.