DIVISIO ET EXPOSITIO TEXTUS.

Sed dicis quia, etc.

Hic ponit quaestionem contra immediate dicta, et primo ponit quaestionem. Secundo, confirmat eam, ibi, Ego autem quia quidem, etc. Tertio solvit, ibi, Sed est dicendum, etc.

Est ergo quaestio contra hoc quod dictum est, quod nostra hierarchia est conformis angelicae, in hoc quod habet purgandos, illuminandos et perficiendos : sed hoc videtur falsum, in caelesti hierarchia enim non videntur esse aliqui ordines purgandorum, cum non sint ibi aliqui immundi qui excluduntur a participatione divinorum. Et hanc dubitationem confirmat dicens, quod omnes sunt mundissimi, et non fuit aliquis malus qui non ceciderit cum apostaticis Angelis, et remanserit in illa hierarchia.

Jam, id est, post casum malorum et

confirmationem bonorum, quaedam dispositio caelestis, id est, aliquis ordo de caelesti hierarchia : castissimum, neutrius generis. A malitia receptus, id est, malus factus, inconfusa, id est, sine mixtione malorum ad bonos : cadit, id est, ce- cidit .

Vel loquitur ex hypothesi, scilicet si possibile esset aliquem malum fieri ex eis, statim caderet: unde quoniam nullus caelestium animorum post daemonum casum malitia umquam captus est : hoc enim neque a divina didicimus Scriptura, neque quisquam ex divinis sapientibus Patribus dixit. Haec autem sciens per indulgentiam ait, ac si aliquis dicat, quomodo mundissimi quidem sunt, immaculati et purgatione non indigent : verum et si daremus quemquam eorum in aliqua malitia factum, utique in contrarias virtutes procederet, ita ut reliqui similiter innocentiam habeant et purgatione non indigeant : et quod hoc ita sit, manifeste monstravit, dicens enim ad objectionem, proprium sensum, et verum subinferebat.

Multitudinum, scilicet daemonum.

Deinde solvit dicens, quod mirabilis purgatio caelestis hierarchiae est per hoc quod inferiores ordines removentur a nescientia per hoc quod illuminantur a superioribus, circa quaedam divina quae ante nesciebant : quia non omnes omnia sciunt, sed inferiores de multis docentur a superioribus. Et secundum hunc modum superiores sunt purgantes, illuminantes et perficientes, et inferiores purgati, illuminati et perfecti. Et hoc sufficienter expositum et disputatum est in tertio capite. Caelestis hierarchiae.

In subjectis, id est, inferioribus, a Deo, quia non agunt nisi in virtute quae procedat in ipsos a Deo : ignorantiam, id est, nescientiam : " Est enim ignorantia proce prie, ut dicit Augustinus, eorum quae " quis scire tenetur, " et est peccatum, Implentibus, vel immittendo novas formas, vel eas quas habent magis simplificando : et quanto simplicior est, tanto est universalior et ad plura se extendit, sicut dicit Avicenna, quod " superiores " essentiae habent formas magis univer-" sales : " et hoc idem dicitur in libro de

Causis : dictum est in Caelesti hierarchia. Deividis, id est, quibus Deus videtur : iterum ex Deo quia virtus divina in omnibus operatur.