DIVISIO ET EXPOSITIO TEXTUS.

Multiforme igitur eorum, etc.

Hic exponit ea quae de Seraphin dicta sunt in. visione Isa.VI , et dividitur in partes quinque.

Primo enim exponit multitudinem pedum et vultuum. Secundo, numerum alarum, ibi, Alarum autem etc. Tertio, velationem faciei et pedum, ibi, Si autem facies et pedes, etc. Quarto, clamorem unius ad alterum, ibi, Quod autem eloquiis, etc. Quinto, nomina eorum, ibi, Et haec sacra dignum, etc.

Dicit ergo primo, quod multitudo vultuum eorum manifestat proprietatem eorum secundum quam sunt illuminati

seraphim incensores et calefact ores a

Scriptura nominentur, quod id nomen statum eorum naturalem exprimat, utique, juxta symbolicam effigiationem, habent unguenti divini vires illas, quae sursum agunt ad ipsum exprimendum, et ad efficaciores vapores distribuendos incitant. Etenim essentia illa, cujus odoris suavitas mentem superat, ab igneis purissimisque mentibus ad sui manifestationem invitari amat, divinissimasque suas inspirationes luculentissimis distributionibus impertitur iis qui sic illam supramundialiter invitaront.

multitudine divinorum, eo quod visus est in vultu. Sed multitudo pedum significat motum ipsorum continue et multis viis procedentem in divina intelligibilia : pedes enim sunt instrumenta motus.

Multiforme, id est, multorum vultuum. Sunt ergo multividi quantum ad multitudinem eorum quae de Deo vident, multivii quantum ad multos modos accipiendi secundum multas illuminationes quibus accipiunt, habent enim supremas et medias et infimas illuminationes, quia ab eis descendunt in inferiores : et semper motus, in quantum sunt infatigabiles circa divinam contemplationem.

Alarum autem, etc. Hic ostendit quid significet senarius alarum numerus in unoquoque eorum.

Dicit ergo, quod non significat id quod. quibusdam visum est, dicentibus quod duabus alis velabant faciem sedentis super thronum, quia ignorabant ea quae sunt ante mundum : et duabus volabant, quia ea quae in mundo, per rerum emanationem de Deo manifestantur, cognoscerent : sed significatur per triplicem binarium alarum numerum, quod habent illuminationes primas, medias et infimas tamquam excellentiori modo aliis habentes quidquid habent inferiores, sed non e converso. Et ideo ponuntur duae alae circa caput ipsorum propter volatum secundum supremas illuminationes : una quarum respondet capacitati naturae et altera illuminationi descendenti, quia his duobus elevantur : duae vero ponuntur circa pedes propter volatum secundum infimas illuminationes : duae in medio propter medias : ut sic inveniantur universaliter volantes in divina.

Expansam, Alia translatio, " sexfuplam : " numerum sanctum, sicut expositum est, vel quia forte tres binarios referebant ad numerum personarum, sed arbitror indicare quia excellentissimae essentiae illius ordinis, scilicet Seraphin, quae sunt circa Deum, sunt anagogica, id est, sursum ductiva, et perfectissime absoluta, id est, libera ab omni subjectione, et sunt supermundana prima et media et extrema intellectualium, id est, accipientia supermundanas illuminationes tam primas quam medias et ultimas intellectuales totius angelicae hierarchiae, scilicet sui et aliorum inferiorum : deiformium virtutum, scilicet Angelorum. Alia translatio : " Sed quod prima et media et extrema " intellectualium et deiformium virtuti tum ipsius, existentis circa Deum su- "premae substantiae et ordinis sursum " activa et absoluta perfecte sunt et su- " permundana, " Volabile universaliter, id est, secundum omnem partem, insinuans largissimum, id est, copiam virtutis anagogicae in id quod vere est et dicitur.

Si autem facies et pedes, etc. Hic exponit velationem faciei et pedum.

Dicit ergo, quod per hoc quod dicuntur volare mediis alis tantum, et duabus tegere facies, et duabus pedes, significatur quod quamvis sit ordo altissimus, tamen non praesumit se extendere in altis-

sima divinae intelligentiae, quae pertinent ad eminentiam divinae naturae, et hoc significatur in velatione faciei : et similiter non praesumunt ad profundiora quae pertinent ad immensitatem divinae sapientiae, et sic velantur pedes qui sunt in profundo corporis : sed mediis volant, quia renovantur in divina visione secundum suam mensuram submittentes vitam suam divinis legibus, quibus diriguntur in sui ipsorum cognitione. Tandem propter reverentiam ejus, scilicet anagogicae virtutis, exaltatur, id est, revocatur, jugis, id est, legibus sancte directus. Alia translatio, " intellectualiter dispositus " ad suiipsius cognitionem. "

Quod autem eloquiis, etc. Hic exponit clamorem unius ad alterum, et dicit, quod hoc significat quod sibi mutuo ostendunt receptas illuminationes.

Et haec sacra, etc. Hic exponit nomina eorum, et primo ponit expositionem. Secundo adaptat ad propositum, ibi, Divinique unguenti, etc.

Dicit ergo, quod dicuntur Seraphin propter ardorem secundum divinam vitam : quia Seraphin interpretatur calefacientes, et ardentes, in quo manifestatur eorum naturalis habitus, scilicet amoris, quo in tali ordine collocantur.

Ex ipsa perflagrantia, id est, ardore, quae est secundum divinam, etc. Alia translatio, " ex hoc quod sunt igneae et " super ferventes secundum divinam et " immobilem vitam. " Substantialis. Hoc non dicitur, quia habitus angelici sint de substantia eorum, ut partes essentiae, sed quia consequuntur naturam ipsorum, et eis immobiliter inhaerent : quamvis dicant quidam, ut dicit Damascenus, quod " habi-" tus est ipsa essentia animae depurata, " quae potest in id in quod primo non " poterat : " et hoc potest esse verum

si intelligatur depuratio reductio de potentia in actum : potentia tamen in quantum hujusmodi est impura : quia non est determinata ad unum, sed est medium inter esse et non esse : puritasque ejus est ipsius actualitas, per quam res habet esse quo subsistat, per habitum esse secundum quod est principium alicujus operationis. Et similiter est in Angelis.

Divinique unguenti, etc. Hic adaptat significationem nominis ad propositum.

Dicit ergo, quod symbolice secundum expositionem nominis Seraphin habent virtutem moventem Chrisma, ut manifestent et distribuant odores ipsius : ignis enim facit evaporare corpus odoriferam, circa quod potest. Denique nominati sunt ut habentes virtutes motivas, divini unguenti, id est, Chrismatis, euocantes nos in manifestationem, etc.

Essentia, scilicet divina, amat, ut ostendatur voluntarie se communicare, non coacta sicut vapor ab igne resolutus : vocantibus se in Deum per devotionem.

12