EXPOSITIO TEXTUS.

Non ergo divinissimus, etc.

Hic redit ad propositum concludens ex praedictis.

Dicit ergo, quod sanctus ordo Seraphin non ignoravit mysterium Incarnationis, scilicet quod Dei Filius descendit humanam assumens naturam ad sanctificandum nos, secundum quod sanctus est seipso secundum divinitatem, minor ipse secundum humanitatem, propter ineffabilem ejus bonitatem, et sanctificatus a tota Trinitate : nihilominus cognoscit illum secundum quod immutabilis mansit in illo divina natura, secundum quam est ejus principium : et ideo circumponuntur alae (quibus significantur Seraphin) Chrismati, per quod significatur Christus.

Ordo, scilicet Seraphin divinissimum intellectum, id est, Dei Filium, qui est verbum et sapientia Patris, descendentem per assumptionem carnis, in sanctificandum, id est, ut sanctificaret nos, vel ut sanctificetur secundum humanam naturam. Alia translatio, " Thearchissimum "desum, ad hoc ut sancti ficaretur, descen " disse. " Intelligit eum, scilicet Jesum, secundum divinam naturam subjicientum seipsum, scilicet esse majorem seipso in his quae sunt secundum nos, id est, quantum ad humanam naturam : vel subjicientem, id est, communicantem seipsum in eis quae secundum nos sunt, id est, in symbolis, et eum humanitus, id est, secundum humanam naturam, sanctificatum, id est, in sanctitate factum, non prius factum, et postea sanctificatum. Luc. I, 35 : Quod ex te nascetur, etc.

Vero, id est, sed ille ordo adspiciens in Christum, novit eum principium proprium, id est, sui esse : principium, dico, habens immutabile secundum essentiam, scilicet divinam, in quibus agit divinitus : quamvis enim sit homo factus, divina tamen essentia immobiliter in ipso permansit, secundum quam habet divinas operationes.

Videns traditio per fidem (alia translatio, sciens) et describens symbolis in teleta myri Christum incommutabilem secundum divinam naturam, in ea inhumanatione, id est, humanae naturae assumptione, quae est secundum nos, quia non est alterius speciei homo factus : vel quia totam humanam naturam assumpsit : ad veritatem, quia non phantasticam, ut Manichaei dicunt.

13