EXPOSITIO TEXTUS.

Et hoc hierarchice, etc.

Hic determinat de usu Chrismatis in consecratione altaris, ponens theoriam.

Dicit ergo, quod hic intelligendum est, quod altare consecratur effusione Chrismatis : cum enim omnis nostra consecratio sit per divinam operationem, ipse Jesus est divinum altare, in quo Deo offerimur et sacrificamur : hoc ergo altare, quo significatur Christus, significat quod Christus sanctificat seipsum sicut altare, et replet nos sanctificatione, ut oblatos in se altari.

Hierarchice secundum principia hierarchica, quae sunt principia fidei, quia

legislatio sanctissimarum hostiarum, id est, lex per quam perficiuntur divinae oblationes secundum omnes actiones hierarchicas : perficit, sanctissismis effusionibus super quatuor angulos altaris.

Theoria, id est, divina operatio deificationis quantum ad ultimum finem, sanctificationis quantum ad dona quae ordinant ad finem illum, principium, scilicet quod est primum operans, essentia, id est, essentialiter causa, non per accidens, perfectiva virtus secundum quod complet in seipsa, divina oblatio, id est, offerens : divinorum scilicet virorum, in quo, etc.

Juxta eloquium, ad Rom. v, 2 : Per quan et habemus per fidem accessum in gratiam istam, in qua stamus. Et I Pet. iii, 18 : Ut nos offerret Deo, mortificatus quidem carne.Holocaustomati. Alia translatio, " holocausta. "

Sanctificat. Joan. XVII, 19 : Ego pro eis sanctifico meipsum. Et replet nos omni sanctificatione perfectionum in se, id est, qui in Christo perficimur, dispensatorie, id est, divina dispositione descendentium benigne, id est, ex divina bonitate, in nos tamquam Deo genitos, de caetero, ex quo Christus carnem nostri generis assumpsit, ipse enim factus de nostro genere, fecit nos filios Dei congenitos sibi : ad Rom. VIII,17 : Haeredes quidem Dei, cohaeredes autem Christi.

17