EXPOSITIO TEXTUS.

B. Aut non sensibiles, etc.

Aut non, id est, nonne. Alia littera habet, " an non : " cognatiora, id est, similiora sicut sunt mixta tantum : venientes, operationem dividentes, quia diversimode participantur secundum quod plus aut minus accedunt : operationem naturalem, ut calefacere vel accendere. Pulchre, id est, congrue, Deus qui est principium, secundum quod producit in esse, et fundamentum, secundum quod portat omnia verbo virtutis suae, omnis ornatus, id est, decoris invisibilis, quantum ad spiritualia, et visibilis, quantum ad corporalia, infert venire, id est, ut veniant, opportunum habentes, id est, naturam habilem, in subjectos, id est, inferiores eis. Alia translatio non habet : " superapparet ", id est, in sua superioritate manens apparet, licet enim omnibus se communicet, tamen non deficit a propria eminentia et simplicitate, ut in primo capite Caelestis hierarchiae dictum est. Et ad hoc possumus sumere exem-

plum Avicennae : est enim lumen corporis lucidi secundum extremitatem, quod contingit corpus terminatum, in quo est color, dans esse formale corpori : propter quod diffinitur ab Aristotele color secundum esse suum formale, quod " est ex" tremitas perspicui tangentis extrema " in corpore colorato ". Si igitur sit aliqua superficies corporis terminati alicujus pluribus coloribus colorata, lumen quidem secundum quod tenet se in diaphano, sic superjacet, ut unum manifestans omnes colores subjacentes : secundum vero quod accipitur in coloribus diversis dans eis esse formale, commiscetur eis et diversificatur secundum eos. Et similiter dicit, quod " intelligentia " agens dat omnes formas existentes in " materiis, et quod forma existens in " materia, nihil est aliud nisi participatio " hujus quae in quibusdam differenter " recipitur, secundum quod accedunt vel " recedunt a similitudine caeli. " Et quia homo inter omnia plus accedit ad similitudinem corporis caelestis, propter aequalitatem complexionis minus participans qualitates contrarias, a quibus corpora caelestia sunt omnino libera, ideo recipit lumen intelligentiae modo simillimo prout est in ipsa intelligentia : et hoc tamen lumen secundum quod tenet se ex parte intelligentiae, est unum non immixtum aliis, quia ponebat intelligentiaiti separatam. Et haec videtur esse opinio Aristotelis in undedecimo philosophiae primae, ubi dicit quod " non tota " anima remanet in postremo, sed tan-" tum intellectus ". Quidquid sit verum de hoc, in hoc tamen est simile, quod divinus radius secundum quod se tenet ex parte infundentia, supereminet et manet in sua simplicitate, diversificatur tamen secundum quod recipitur in diversis dissimiliter proportionatis ad ipsum.

12